Read KapsikiDC Matiye 1 Bible Online

Matiye 1 - KapsikiDC bible

Matiye 1

¹Wa nyi sləa ka shihɛnyɛa Yɛsə Kriste, wəzege ta David, wəzege ta Abraham nyi:

²Abraham nde yake Izak, Izak nde yake Zhakob, Zhakob nde yake yɛ Zhəwda le kweci ka kesaka yitenyɛ.

³Zhəwda nde yake Pɛrɛs ba'a Zɛra sawa hwa Tamar. Pɛrɛs nde yake Hɛsron, Hɛsron nde yake Ram.

⁴Aram nde yake Aminadab, Aminadab nde yake Nashon, Nashon nde yake Salman.

⁵Salman nde yake Bowoz sawa hwa Rahab, Bowoz nde yake Obɛd sawa hwa Rət, Obɛd nde yake Zhɛsɛ,

⁶Zhɛsɛ nde yake David nya kameghe. David nde yake Salomon sawa hwa male ta Əwri.

⁷Salomon nde yake Robowam, Robowam nde yake Abiya, Abiya nde yake Asaf,

⁸Asaf nde yake Zhozafat, Zhozafat nde yake Zhoram, Zhoram nde yake Ozias,

⁹Ozias nde yake Yotam, Yotam nde yake Ahaz, Ahaz nde yake Ɛzɛkiyas,

¹⁰Ɛzɛkiyas nde yake Manasɛ, Manasɛ nde yake Amon, Amon nde yake Zhozias,

¹¹Zhozias nde yake Yekoniya ba'a kweci ka kesaka yitenyɛ vəa ŋkwa nya fəhwe ka Israyɛl ka Babilone.

¹²Ma kwa sebe ta nya fəhwe geva ka Israyɛl kadzeme Babilone ne, pa Yekoniya yake Shɛyaltiyɛl, Shɛyaltiyɛl nde yake Zorobabɛl,

¹³Zorobabɛl nde yake Abihəwd, Abihəwd nde yake Ɛliyakim, Ɛliyakim nde yake Azor,

¹⁴Azor nde yake Sadok, Sadok nde yake Akim, Akim nde yake Ɛliyəwd,

¹⁵Ɛliyəwd nde yake Ɛlɛyazar, Ɛlɛyazar nde yake Matan, Matan nde yake Zhakob,

¹⁶Zhakob nde yake Zhozɛf, za makwa ta Mari nya kameghekɛa Yɛsə nya nza sləa ŋkɛ ka Kriste.

¹⁷Ma pɛtɛa mbelia shɛhɛ, se te Abraham hwa'a te David ne, ka shihɛ meŋe wəfaɗeghəmbe, zhɛne ne, ka shihɛ meŋe wəfaɗeghəmbe, hwa'a te və nya fəhwe ka Israyɛl ka Babilone, zhɛne ne, ka shihɛ meŋe wəfaɗeghəmbe hwa'a te ya ta Kriste.

¹⁸Fa mə ghena ta ya ta Yɛsə Kriste. Ma Mari meghekɛa Yɛsə ne, makwa ta Zhozɛf ŋkɛ kwa ghwa, ma tewə mbeli keŋzlete ŋkɛ ne, pa nde dzawa hwə nda laka Sefəa Shala.

¹⁹Wəndə nya nza mehele ve Zhozɛf za makwa shɛ, kese ŋkɛ kave nda fete ke Mari kwa kema ta mbeli we. Le ntsehwele ɗe ŋkɛ kasərəakɛ ŋkɛ.

²⁰Ma mba ŋkɛ kazəzə ghena shɛ ne, pɛkwe nde ghwene ta Shala se shɛ te shiwə. Ma ke: «Zhozɛf hwelefe ta David, ghazlənəma na va ŋzle Mari, makwa ta ŋa ma, laka berete ta Sefəa Shala dzawa hwə nde yitea wəzegea shɛ.

²¹Kateya wəzege nde, Yɛsə teheka nda slə na kwa nza ŋkɛ gheŋkɛ nde tembele mbelia ŋkɛ va jaɗafa ta nci.»

²²Pɛtɛ menete geva wəshi nyi kala nyi kezha yipə ghena nya gezete Shala laka nde mɛ ŋkwa ta ŋkɛ:

²³Katedzawa hwə degheli, kateya wəzege nde nya teheka mbeli kaƐmanəwɛl, geze ta ŋkɛ, Shala le gheɓəmə.

²⁴Ma kwa feɗeghe Zhozɛf ne, pa ŋkɛ menete kala nya gezete nda nde ghwene ta Shala, pa ŋzlete Mari makwa ta ŋkɛ.

²⁵Ama kegha ŋkɛ kaɓelahe le Mari nda yake geva wəzege nya hekate Zhozɛf kaYɛsə we.