Read KapsikiDC Zhozəwɛ 12 Bible Online

Zhozəwɛ 12 - KapsikiDC bible

Zhozəwɛ 12

¹Wa nyi ka meghea nyi ɗate ka Israyɛl ba'a nyi kelehwe hɛɗia nci hɛ pelɛke pelɛke ta hələa Zhəwrdɛŋe, laka ŋkwa nya same veci, se mɛa hələa Arnon hwa'a pelɛ ghweme ta Hɛrmon, tsagha ŋkwa nya laka bela ta zlərəa Zhəwrdɛŋe nyi:

²Sihon, meghea ka Amor nya mbe Hɛshebon, nya kesleke kwete bela ta zlərəa Arnon slə mbe Arowɛr, nya kesleke bela ta hɛɗia Gala'ad hwa'a mɛa hələa Yabok, kwa ghala ta ka Amon,

³gheŋkɛ nde sleke bela nya laka zlərəa Zhəwrdɛŋe, ndərəa Zhɛnɛzarɛt, laka bela kwa gwela, hwa'a kwa ndərə kwa Ghwənəghwə, takwa yitea Bɛt-Yeshimot, laka bela kwa zeme ne, hɛɗi nya yitea ghweme ta Pisga.

⁴Ma kwete meghe ne, Og, kwete kwetɛŋe hwa ka keɗaŋe ta ka Refay, nya kesleke ka Bashan ba'a nya mbe Ashetarot keɗema Ɛdrɛyi.

⁵Gheŋkɛ nde sleke hɛɗi nya pelɛ ghweme ta Hɛrmon, Salka, pɛtɛa hɛɗia Bashan hwa'a kwa ghala ta ka Gɛshəwr ba'a ka Ma'akat, tsagha kwete bela ta ŋa Gala'ad hwa'a kwa ghala ta Sihon, meghea ka Hɛshebon.

⁶Nahe Moyize ba'a ka Israyɛl keɗate ka meghe nyi bakea shɛhɛ, nahe Moyize, nde mene slene ta Mahwətə kendeke nda hɛɗi nci ke hwelefe ta Rəbɛn, Gad ba'a kwete bela ta hwelefe ta Manasɛ.

⁷Kwa sebe ta ŋkɛ, pa yɛ Zhozəwɛ le ka Israyɛl ɗate ka meghe nyi laka pəkwə ta veci yitea Zhəwrdɛŋe se mbe Ba'al-Gad, kwa zlərəa Liban pa pelɛ ghweme ta Halak, laka Sɛyir. Pa Zhozəwɛ ndeke nda hɛɗia nci ke ka Israyɛl laka nehe nda ŋkɛ ke hwelefefia nci.

⁸Ma hwa ghweme, kwake te ŋwela, mbe Araba, sawa vare yɛ wəmbə, te ɓerama ba'a hɛɗia Nɛgɛv ne, hɛɗia ka Hɛt, ka Amor, ka Kanan, ka Pɛrɛs, ka Hava ba'a ka Zhɛbəs.

⁹Ma ka meghe nyi hərəte hɛ mbeli ne, wa nyi hɛɗia nci nyi: Zhɛriko, Ay nya takwa yitea Bɛtɛl,

¹⁰Zhɛrəzalɛm, Hɛbron,

¹¹Yarməwt, Lakish,

¹²Ɛglon, Gɛzɛr,

¹³Debir, Gɛdɛr,

¹⁴Horma, Arad,

¹⁵Libna, Adəwlam,

¹⁶Makɛda, Bɛtɛl,

¹⁷Tapəwa, Hɛfɛr,

¹⁸Afɛk, Saron,

¹⁹Madon, Hasor,

²⁰Shimron-Meron, Akeshaf,

²¹Ta'anak, Mɛgido,

²²Kɛdɛsh, Yoknɛyam pelɛ Karmɛl,

²³Dor pelɛ wəmbə, Goyim nya mbe Galilɛ

²⁴ba'a Tirsa. Pɛtɛa nci ne, ka meghe mahekenemsə kwetɛŋeghəmbe.