Read KapsikiDC Zhozəwɛ 15 Bible Online

Zhozəwɛ 15 - KapsikiDC bible

Zhozəwɛ 15

¹Ma ŋkwa nya kaŋa hwelefe ta Zhəwda nya kemave hɛ le sla kwasheghediɗi kala peləa nci ne, se kwa ghala ta ka Ɛdom, te ɓerama ta Tsin, laka bela kwa gwela pa te kwa keɗaŋe ta bela kwa zeme.

²Ma ghala ta nci laka bela kwa zeme ne, mɛa ndərə kwa Ghwənəghwə,

³kadzeme laka bela kwa zeme ta wəmbəa yɛ Yɛte ba'a Tsin, kadzeme laka bela kwa zeme ta Kadɛs-Barnɛya, kadzeme laka Hɛsron hwa'a mbe Adar, tewətelɛwe dzeyi laka Karka,

⁴kajive mbe Asmon, kazhigə kwa hələa ka Ɛzhipte, kakeɗaŋe kwa ndərəa Mɛditɛranɛ. Nya nde tenza kaghala ta ka Zhəwda laka bela kwa zeme.

⁵Laka ŋkwa kesame ta veci ne, ndərə kwa Ghwənəghwə ya kaghala hwa'a kwa Zhəwrdɛŋe. Tagha slə ghala nya laka bela kwa gwela,

⁶kadzeme laka Bɛt-Hogla, kajive laka bela kwa gwela ta Bɛt-Araba hwa'a pelɛ pelɛa Bohan, kwete hwa ŋwalea Rəbɛn.

⁷Ma ghala shɛ ne, kadzeme laka zlərəa Debir Akor, kadzeyi laka bela kwa gwela ta Gilgal nya tiɗiɗi le ghweme ta Adəwmim, laka bela kwa zeme ta hələ. Kadzawa nde laka yɛ ɗaslea Ɛn-Shɛmɛsh ba'a kazhigə mbe Ɛn-Rogəwɛl.

⁸Kadzeme nde laka zlərəa Hinom, kadzawa vare ŋkwa nya laka bela kwa zeme yitea Zhɛbəs, geze ta ŋkɛ, Zhɛrəzalɛm, kadzeme nde hwa'a pelɛ ghəa ghweme nya te kema ta zlərəa Hinom, laka pəkwə ta veci ba'a te kwa keɗaŋe ta zlərəa Refay, laka bela kwa gwela.

⁹Se tagha ne, kazhɛre geva nde ghala sawa pelɛ ghəa ghweme kadzeyi te ɗaslea Nɛftowa, kadzawa laka ghweme ta Ɛfron, kadzeyi laka Ba'ala nya kaKiriyat-Yɛarim.

¹⁰Ma ghala shɛ ne, kadzeyi nde laka ŋkwa kepəkwə ta veci yitea Ba'ala laka ghweme ta Sɛyir, kajive laka bela kwa gwela ta ghweme ta ghɛa yɛ Wəfe keɗema ghweme ta Kesalon, kasawa nde laka Bɛt-Shɛmɛsh ba'a kazlake Timna nde.

¹¹Kadzeyi nde laka meleme Ɛkron nya laka bela kwa gwela, kadzeyi laka Shikaron, kadzeyi laka Yabnɛ, kadzeme laka ghweme ta Ba'ala, kazhigə kwa ndərəa Mɛditɛranɛ.

¹²Ghala nya laka ŋkwa kepəkwə ta veci ne, gheŋkɛ ndərəa Mɛditɛranɛ. Wa nya tsetse dzeghete geva ghala ta ŋkwa nya kaŋa mbelia Zhəwda kala peləa nci.

¹³Pa mbeli ndeke nda bela kwetɛŋe ke Kalɛb, wəzege ta Yefəwnɛ hwa mbelia Zhəwda, kala nya gezave nda Mahwətə ke Zhozəwɛ. Kiriyat-Arba keɗema meleme Arba nya kasləa shia Anak yandeke nda mbeli. Ma heka melemea shɛ mbeli tsetsenya ne, Hɛbron.

¹⁴Pa Kalɛb ŋkamte ŋwalea Anak mahekene: Shɛshay, Ahiman ba'a Talmay.

¹⁵Mbe Hɛbron slə ŋkɛ kadzeme kampa le mbeli nyi pelɛ Debir, nya se mbeli kaheka vəashi kaKiriyat-Sɛfɛr.

¹⁶Ma ke Kalɛb: «Kave nda wəzha ta ɗa Aksa 'ya kamale ke wəndə nya keɗate Kiriyat-Sɛfɛr ba'a nya kekelehwe ŋkɛ.»

¹⁷Pa Otniyɛl, wəzege ta Kenaz ba'a wəza meghekɛa Kalɛb ɗate melemea shɛ. Pa Kalɛb ndeke nda Aksa, wəzha ta ŋkɛ kamale.

¹⁸Ma kwa dzeki ghɛa Otniyɛl nde ne, pa nde gezete nda ka'yɛwe wəve va Kalɛb, yitenyɛ. Pa Aksa sawanyɛ pelɛ kwara ta nta, pa Kalɛb 'yɛwakɛ wəsə nya zəzəte nde ve.

¹⁹Ma ke zhɛnete nda: «Menete ɗa ganyɛ. Kwa nza ŋkɛ nahe na keveyi ɗa te hɛɗi nya laka bela kwa zeme nya keghwele ghwele. Ndeke ɗa yɛ ghwa kesa yɛmə.» Pa Kalɛb ndeke nda ghwa nyi pelɛ ghweme ba'a nyi kwake kwake.

²⁰Tsetse ŋa mbelia Zhəwda ŋkwa nya kemave hɛ kazeme ghɛ kala peləa nci.

²¹Ma meleme nyi kwa ghala ta hɛɗia mbelia Zhəwda, laka ghala ta Ɛdom ne, Kabsɛyɛl Ɛdɛr, Yagəwr,

²²Kina, Dimona, Adɛyada,

²³Kɛdɛsh, Hasor, Itnan,

²⁴Zif, Tɛlɛm, Bɛyalot.

²⁵Hasor-Hadata, Keriyot-Hɛsron, nya heka mbeli perə kaHasor,

²⁶Amam, Shema, Molada,

²⁷Hasar-Gada, Hɛshemon, Bɛt-Pɛlɛt,

²⁸Hasar-Shəwal, Bɛrshɛba ba'a kweci meleme nyi dzeyi yite,

²⁹Ba'ala, Iyim, Ɛsɛm,

³⁰Ɛltolad, Kɛsil, Horma,

³¹Siklag, Madmana, Sanesana,

³²Lebawot, Shilim ba'a Ɛn-Rimon. Ma pɛtɛa melemea shɛhɛ ne, bakemsə meslighəmbe le meleme nyi ɓɛhwɛ ɓɛhwɛ nyi dzeyi yitea hɛ.

³³Ma meleme nyi kwake te ŋwela ne, Ɛshetawol, Sora, Ashena,

³⁴Zanowa, Ɛn-Ganim, Tapəwa, Ɛnam,

³⁵Yarməwt, Adəwlam, Soko, Azɛka,

³⁶Sha'arayim, Aditayim, Gedɛra ba'a Gedɛrotayim. Meŋe wəfaɗeghəmbe meleme nyi jama jama ba'a nyi ɓɛhwɛ ɓɛhwɛ dzeyi yitea hɛ.

³⁷Kweci ya shɛ deŋwa, Senan, Hadasha, Migdal-Gad,

³⁸Dilan, Mispɛ, Yoktɛyɛl,

³⁹Lakish, Boskat, Ɛglon,

⁴⁰Kabon, Lahɛmas, Kitlish,

⁴¹Gedɛrot, Bɛt-Dagon, Na'ama ba'a Makɛda. Meŋe ŋkwaŋeghəmbe meleme nyi jama jama ba'a nyi ɓɛhwɛ ɓɛhwɛ nyi dzeyi yitea hɛ.

⁴²Kweci ya shɛ ɓiyitsa: Libna, Ɛtɛr, Ashan,

⁴³Ifta, Ashena, Nɛsib,

⁴⁴Kɛyila, Akzib ba'a Marɛsha. Nahe hɛ kenza kameleme nyi jama jama mesli ba'a meleme nyi ɓɛhwɛ ɓɛhwɛ dzeyi yitea hɛ.

⁴⁵Kweci ya shɛ ɓiyitsa, yɛ Ɛkron le meleme ba'a ghedəkwə nyi dzeyi yite,

⁴⁶pɛtɛa meleme nyi jama jama ba'a nyi ɓɛhwɛ ɓɛhwɛ dzeyi yitea Asdod, kwelɛ yɛ Ɛkron le ndərəa Mɛditɛranɛ.

⁴⁷Asdod ba'a Gaza le meleme nyi jama jama ba'a nyi ɓɛhwɛ ɓɛhwɛ nyi dzeyi yitea hɛ, tsagha meleme nyi dzeyi mɛa hələa ka Ɛzhipte pa kwa ndərə Mɛditɛranɛ.

⁴⁸Ma meleme nyi pelɛ hwa ghweme ne, Shamir, Yatir, Soko,

⁴⁹Dana, Kiriyat-Sana nya heka mbeli kaDebir,

⁵⁰Anab, Ɛshtemowa, Anim,

⁵¹Goshɛn, Holon ba'a Gilo, meŋe kwetɛŋeghəmbe meleme nyi jama jama ba'a nyi ɓɛhwɛ ɓɛhwɛ dzeyi yitea hɛ.

⁵²Kweci ya shɛ perə: Arab, Rəwma, Ɛshan.

⁵³Yanəwm Bɛt-Tapəwa, Afɛka,

⁵⁴Həwmeta, Kiriyat-Arba, nya heka mbeli kaHɛbron ba'a Siyor, meleme mesli nyi jama jama ba'a nyi ɓɛhwɛ ɓɛhwɛ nyi dzeyi yitea hɛ.

⁵⁵Kweci ya shɛ perə: Mawon, Karmɛl, Zif, Yəwta,

⁵⁶Zhizrɛyɛl, Yokdɛyam, Zanowa,

⁵⁷Kayin, Gibɛya ba'a Timna, meŋe meleme nyi jama jama ba'a nyi ɓɛhwɛ ɓɛhwɛ nyi dzeyi yitea hɛ.

⁵⁸Kweci ya shɛ kwa keɗaŋe: Haləwl, Bɛt-Səwr, Gedor,

⁵⁹Ma'arat, Bɛt-Anot ba'a Ɛltekone, meleme ŋkwaŋe nyi jama jama ba'a nyi ɓɛhwɛ ɓɛhwɛ nyi dzeyi yitea hɛ,

⁶⁰tsagha Kiriyat-Ba'al nya kaKiriyat-Yɛarim ba'a Raba. Meleme bake nyi jama jama ba'a nyi ɓɛhwɛ ɓɛhwɛ nyi dzeyi yitea hɛ.

⁶¹Ma meleme nyi te ɓerama ne, Bɛt-Araba, Midin, Sekaka,

⁶²Nibeshan, Ir-Mɛla ba'a Ɛn-Gɛdi, ŋkwaŋe meleme nyi jama jama ba'a nyi ɓɛhwɛ ɓɛhwɛ nyi dzeyi yitea hɛ.

⁶³Shaŋe hwelefefia Zhəwda kaŋka ka Zhɛbəs nyi mbe Zhɛrəzalɛm, mba ka Zhɛbəs hwa mbelia Zhəwda le nza ta nci mbe Zhɛrəzalɛm pa ɓeshi.