Read KapsikiDC 2 Zhaŋe 1 Bible Online

2 Zhaŋe 1 - KapsikiDC bible

2 Zhaŋe 1

¹Se va Meha za, ke Male[1] nya ntave Shala ba'a ke ŋwalea nta nyi ɗe 'ya mbe waŋe ta kaganda. Kenza deke 'ya nde ɗe ŋayɛ we, ama pɛtɛa mbeli nyi keɗepe kaganda,

²va nya nza kaganda mbe gheɓəmə ba'a nya tenza ŋkɛ le gheɓəmə kaghala ghala.

³Pa Shala Yita ba'a Yɛsə Kriste, Wəzege ta Yita, ndeke ɓəmə zlaɓa, zhɛ heli ba'a kwelɛŋe kezha nza gheɓəmə mbe kaganda ba'a ɗe.

⁴Kwele kwele se 'ya kazlama kwa nakɛ kweci ŋwalea ŋa 'ya kadzeghwa kwa hweŋkwa ta kaganda, kala nya gezete ɓəmə Yita.

⁵Ma tsetsenya gɛ Male ganyɛ, wa nya ghena nya 'yɛwe 'ya va gha nya: ɗe ɓəmə ghəa ɓəmə. Kenza kaghena mɛnɛfɛ yarafe ŋa 'ya we, ama deke ghena nya kemave gheɓəmə se vəashinyɛ.

⁶Ɗe ya kanza kala ghena nyi gezete Shala. Wa nya ghena nya fate yɛ se vəashinyɛ nya: nza mə mbe ɗe.

⁷Kwele kwele ka tseŋwəa kɛfi nyi kepesleyi geva te hɛɗi lema. Kaɗe hɛ kaɗepe nahe Yɛsə Kriste kezhɛrenyɛ kawəndə ŋelɛ we. Nahe mbelia shɛhɛ kenza kaka tseŋwəa kɛfi ba'a kaka jaga ta Kriste.

⁸Ntsehwele mə yitea ghəa ŋayɛ, yitea ɗema yɛ kazamte zhɛme ta slene ta n'yɛ, ama kezha kemave zhɛme ta ŋayɛ yɛ fate fate.

⁹Ma wəndə nya kezlakemte ba'a nya kenzama le ghena ta Kriste ne, kenza ŋkɛ jikə le Shala we. Ma wəndə nya kenza le ghena ta Kriste ne, jikə ŋkɛ le Yita ba'a le Wəzege.

¹⁰Ma kese wəndə sha gheyɛ le kwete ghena ne, kemanevema ŋkɛ yɛ ki ghɛa ŋayɛ ma, njiŋwema ŋkɛ yɛ ma.

¹¹Ma wəndə nya kenjiŋwakɛ ŋkɛ ne, jikə ŋkɛ le mbe wəsə kwa ndiremia ŋkɛ.

¹²Kwele kwele ghena va 'ya kageze ŋayɛ, ama kaɗe 'ya karafe ŋayɛ hɛ te palepa ba'a le yirə we. Kwa nza ŋkɛ ne, kazəzə lə 'ya sha gheyɛ kezha geze ŋayɛ le ghəa ɗa, yitea zlama ta ɓəmə viɗi.

¹³Kanjiŋwe ŋa ŋwalea wəzha ta meyɛ ŋa nya ntave Shala.