Read KapsikiDC Ghena Kelɛŋə 8 Bible Online

Ghena Kelɛŋə 8 - KapsikiDC bible

Ghena Kelɛŋə 8

¹Ma kwa mpəmte kwa mberefaŋe ta lamba Zhɛgwəa təmə ne, tikə tikə ŋkwa nya pelɛ ghweme nzanyɛ gare kakwa bake ta bela ta lerə.

²Pa 'ya nakɛ ka ghwene ta Shala mberefaŋe meslete kwa kema ta Shala, pa mbeli ndendeke nda veke mberefaŋe ke hɛ.

³Pa kwete nde ghwene ta Shala ghereŋenyɛ vare reghwetɛ. Helape mze kwa tere tere ya yitea dzeve ve. Pa mbeli ndeke nda 'wərdə kwele kwele kezha tere hɛ ŋkɛ le səkwə ta mbelia Shala, te reghwetɛ mze kwa tere tere nya kwa kema ta pasla.

⁴Kwəmə n'yia 'wərdə nya ketere geva slə te dzeve ta nde ghwene ta Shala kadzeme kadzawa kema ta Shala le səkwə ta mbelia Shala.

⁵Tagha gɛ, pa nde ghwene ta Shala kelete wəsə ketere 'wərdə, pɛrekɛ le ghwə nya te reghwetɛ ba'a neghate te hɛɗi. Taghanyɛ ne, pa berazlɛ ta va, yɛ kwaɗe ta ŋwələ, yɛ slesla ta va ba'a gaŋkəɗə ta hɛɗi menete geva.

⁶Pa ka ghwene ta Shala nyi mberefaŋe nyi nza nyi veke va hɛ mberefaŋe kezha vɛ hite geva tsape kezha vɛ hɛ.

⁷Pa nde ghate ta nde ghwene ta Shala vɛte veke. Pa kwacakelɛ ba'a ghwə nyi megweɗə le mimi beteyi geva te hɛɗi. Pa kwa maheke ta bela ta hɛɗi ba'a kwa maheke ta bela ta yɛ wəfe terenji, tsagha gwəzə nyi njaɓa njaɓa.

⁸Zhɛne ne, pa nde bake ta nde ghwene ta Shala vɛte veke. Pa kwete wəsə kala ghweme nya wəba nya nza ghwə yite ghwəpəyi geva kwa ndərə. Pa kwa maheke ta bela ta ndərə zhɛrenyɛ kamimi.

⁹Pa kwa maheke ta bela ta pɛtɛa wəshi nyi kepate geva nyi kwa ndərə mtenyɛ ba'a pa kwa maheke ta bela ta yɛ kwambelə bezenyɛ.

¹⁰Zhɛne ne, pa nde maheke ta nde ghwene ta Shala vɛte veke. Pa saseregwa nya wəba, nya ketse kala ghwə nya wəba teɗe sawa pelɛ ghweme. Pa ŋkɛ me te kwa maheke ta bela ta yɛ hələ ba'a yɛ ɗasle.

¹¹Nahe sləa saseregwa shɛ kenza kaNdɛalɛa. Pa kwa maheke ta bela ta yɛmə zhɛrenyɛ ndɛalɛake, kwele kwele mbeli nyi kempə va nya nza yɛməa shɛ ndɛalɛake kala cɛana.

¹²Pa nde wəfaɗe ta nde ghwene ta Shala vɛte veke. Pa ɗa vate geva te kwa maheke ta bela ta veci, tsagha ŋa tere ba'a ŋa yɛ saseregwa. Pa bela shɛhɛ zhɛrenji ngərə ngərə: pa veci zamte kwa maheke ta bela ta ɓele ta ŋkɛ, tsagha ŋa viɗi perə.

¹³Newe 'ya zhɛkwa ne, pa 'ya fate gaka ta zele nya kezlə pelɛagha yitea ghweme, ma ke sha zlape le berete: «Awema! Awema! Ndiremi ya te mbeli nyi te hɛɗi vəa ŋkwa nya tevɛ veke ka ghwene ta Shala nyi mahekene.»