Read Kaqchikel Gén 5 Bible Online

Gén 5 - Kaqchikel bible

Gén 5

¹Wawe' k'a e tz'ibatel kan ri kibi' ri e rijatzul kan ri Adán, ri chi wiq chi tanaj xeq'ax. Toq ri Dios xeruben ri nabey taq winaqi', kan achi'el rubanik rija' xuben chike.

²Chi achij chi ixoq xeruben y kan xerurtisaj k'a y jari' toq xkibini'aj-pe wineq.

³Ri Adán 130 k'a rujuna' toq xralk'ualaj ri ruk'ajol, ri xubini'aj Set. Ri ala' ri' kan man jun k'a xujel chire ri rutata'.

⁴Ri Adán xk'ase' chik k'a 800 juna' y xek'oje' ch'aqa' chik ralk'ual.

⁵Y ri Adán xk'ase' k'a 930 juna' k'ari' xken.

⁶Y toq ri Set k'o chik k'a 105 rujuna', jari' toq xralk'ualaj ri ruk'ajol ri xubini'aj Enós.

⁷Toq xalex k'a ri Enós, ri Set xk'ase' chik k'a 807 juna', y xek'oje' ch'aqa' chik ralk'ual.

⁸Y ri Set xk'ase' 912 juna' y xken.

⁹Y toq ri Enós k'o chik k'a jumuch' lajuj rujuna', jari' toq xralk'ualaj ri ruk'ajol ri xubini'aj Cainán.

¹⁰Y toq xalex k'a ri Cainán, ri Enós xk'ase' chik k'a 815 juna', y xek'oje' ch'aqa' chik ralk'ual.

¹¹Y ri Enós xk'ase' 905 juna' y xken.

¹²Y toq ri Cainán k'o chik k'a oxk'al lajuj rujuna', jari' toq xralk'ualaj ri ruk'ajol ri xubini'aj Mahalalel.

¹³Toq xalex k'a ri Mahalalel, ri Cainán xk'ase' chik k'a 840 juna', y xek'oje' ch'aqa' chik ralk'ual.

¹⁴Y ri Cainán xk'ase' 910 juna' y xken.

¹⁵Y toq ri Mahalalel k'o chik oxk'al wo'o' rujuna', jari' toq xralk'ualaj ri ruk'ajol ri xubini'aj Jéred.

¹⁶Toq xalex k'a ri Jéred, ri Mahalalel xk'ase' chik 830 juna' y xek'oje' ch'aqa' chik ralk'ual.

¹⁷Y ri Mahalalel xk'ase' 895 juna' y xken.

¹⁸Y toq ri Jéred k'o chik 162 rujuna', jari' toq xralk'ualaj ri ruk'ajol ri xubini'aj Enoc.

¹⁹Toq xalex k'a ri Enoc, ri Jéred xk'ase' chik 800 juna' y xek'oje' ch'aqa' chik ralk'ual.

²⁰Y ri Jéred xk'ase' 962 juna' y xken.

²¹Y toq ri Enoc k'o chik oxk'al wo'o' rujuna', jari' toq xralk'ualaj ri ruk'ajol ri xubini'aj Matusalén.

²²Toq xalex k'a ri Matusalén, ri Enoc 300 juna' chik xk'ase', achi'el xrajo' ri Dios, y jari' toq xek'oje' ch'aqa' chik ralk'ual.

²³Y ri Enoc xk'ase' 365 juna'.

²⁴Rija' kan xk'ase' achi'el ri xrajo' ri Dios y jun q'ij xsach-el, roma ja ri Dios xuk'uan-el richin.

²⁵Y toq ri Matusalén k'o chik 187 rujuna', jari' toq xralk'ualaj ri ruk'ajol ri xubini'aj Lámec.

²⁶Toq xalex k'a ri Lámec, ri Matusalén xk'ase' chik 782 juna' y xek'oje' ch'aqa' chik ralk'ual.

²⁷Y ri Matusalén xk'ase' 969 juna' y xken.

²⁸Y toq ri Lámec k'o chik jumuch' ka'i' rujuna', jari' toq xralk'ualaj jun ruk'ajol

²⁹y xubini'aj Noé y re bi'aj re' nel chi tzij uxlanen. Roma xubij ri Lámec: Ri Jehová xuya' ruk'ayewal pa ruwi' ri ruwach'ulew. Y xa roma ri' janila k'ayew richin niqasamajij ri ruwach'ulew. Y wakami k'a re ak'ual re' xtuya' uxlanen chiqe.

³⁰Y toq xalex ri Noé, ri Lámec xk'ase' chik k'a 595 juna', y xek'oje' ch'aqa' chik ralk'ual.

³¹Y ri Lámec xk'ase' 777 juna' y xken.

³²Y toq ri Noé k'o chik 500 rujuna', jari' toq xuchop nalk'ualan. Y e oxi' k'a ruk'ajol xek'oje' ri xkibini'aj: Sem, Cam y Jafet.