Read Kaqchikel 1 Crón 25 Bible Online

1 Crón 25 - Kaqchikel bible

1 Crón 25

¹Ri David y ri aj-raqen pa kiwi' ri aj-labal xekiya' kan ri kisamaj ri kalk'ual ri Asaf, ri Hemán y ri Jedutún richin nikiq'alajirisaj ri ruch'abel ri Dios e kachibilan ri nikiq'ojomaj ri arpa, ri salterio y ri platillo. Jare' ri kibi' ri winaqi' ri xek'oje' chupan ri samaj ri'.

²Ri Asaf k'o pa kiwi' ri ruk'ajol kibini'an: Jacur, José, Netanías y Asarela. Y rije' xesamej chuxe' rutzij ri rey.

³Ri Jedutún k'o pa kiwi' ri e waqi' ruk'ajol: Ri Guedalías, ri Serí, ri Isaías, ri Simí, ri Hasabías y ri Matatías. Y rije' nikiq'ojomaj ri arpa richin nikimatioxij y nikiya' ruq'ij ri Jehová.

⁴Ri e kajlajuj ruk'ajol ri Hemán ja ri Buquías, ri Matanías, ri Uziel, ri Sebuel, ri Jeremot, ri Hananías, ri Hananí, ri Eliatá, ri Guidalti, ri Romamti-ézer, ri Josbecasa, ri Malotí, ri Hotir y ri Mahaziot.

⁵Konojel rije' e ruk'ajol ri Hemán, ri nitz'eton ri peteneq. Ri Dios xuya' k'a ri e kajlajuj ruk'ajol ri' y e oxi' rumi'al richin nikiya' ruq'ij rija'.

⁶Y ri Hemán ja rija' ri k'o pa kiwi' rije', richin yekiq'ojomaj ri platillo, ri salterio y ri arpa pa rachoch ri Dios richin nikiya' ruq'ij. Y ri Asaf, ri Jedutún y ri Hemán yesamej chuxe' rutzij ri rey.

⁷Ri kajlabal ri q'ojomanela' richin nikiya' ruq'ij-ruk'ojlen ri Dios, konojel k'a rije' e 288.

⁸Y ri Dios xuk'ut chikiwech ri achoq pa kiwi' xtiqaqa-wi ri samaj ri'. Rije' kan xech'ar k'a pa ruchojmilal, stape' e ch'uti'q o e nima'q.

⁹Rije' xech'ar k'a pa juwineq kaji' tzobaj, y pa jujun tzobaj xek'oje' e kablajuj achi'a' ri kan kach'alal-ki', richin nikiben ri samaj. Ri rucholajen ri kibi' ri e aj-raqen jare': Ri José, ri Guedalías, ri Zacur, ri Isrí, ri Netanías, ri Buquías, ri Jesarela, ri Isaías, ri Matanías, ri Simí, ri Azarel, ri Hasabías, ri Subael, ri Matatías, ri Jeremot, ri Hananías, ri Josbecasa, ri Hananí, ri Malotí, ri Eliatá, ri Hotir, ri Guidalti, ri Mahaziot y ri Romamti-ézer.