Read Kaqchikel 1 Crón 26 Bible Online

1 Crón 26 - Kaqchikel bible

1 Crón 26

¹Toq xjach kan ri q'ij richin ri kisamaj ri e aj-raqen richin nikichajij ri ruchi' rachoch ri Dios, kere' k'a rubanik xk'oje' kan: Chike ri e rijatzul ri Coré, ri Meselemías, rumam ri Ebiasaf;

²jare' ri e ruk'ajol ri Meselemías: Ri Zacarías, ri Jediael, ri Zebadías, ri Jatniel, ri Elam, ri Johanán y ri Eliehoenai.

⁴Ri Dios kan xrurtisaj ri Obed-edom rik'in e janila ruk'ajol. Y jare' ri rucholajen ri kibi', ri Semaías, ri Jozabad, ri Joah, ri Sacar, ri Natanael, ri Amiel, ri Isacar y ri Peultai.

⁶Ri Semaías, xek'oje' e k'iy ruk'ajol ri kan xepa'e' kof pa kiwi' ri aj pa kachoch roma e achi'a' ri k'o kejqalen.

⁷Y ri kibi' ja ri Otní, ri Rafael, ri Obed, ri Elzabad, ri Elihú y ri Samaquías.

⁸Konojel rije' e rijatzul ri Obed-edom, y kan k'o kejqalen y kuchuq'a' richin ye'ilin. Y konojel rije' e oxk'al ka'i'.

⁹Ri e ruk'ajol y ri e rach'alal ri Meselemías e waqxaqlajuj, konojel kan e achi'a' ri k'o kejqalen y kuchuq'a' richin ye'ilin.

¹⁰Ri Hosá rijatzul kan ri Merarí xek'oje' ruk'ajol. Xuya' ri Simrí aj-raqen pa kiwi' ri e rach'alal, stape' man ja ta rija' ri nabey alk'ualaxel.

¹¹Ri ch'aqa' chik ruk'ajol kibini'an Hilquías, Tebalías y ri Zacarías. Ri e ruk'ajol y ri e rach'alal ri Hosá, konojel rije' e oxlajuj.

¹²Konojel re achi'a' re' y ri aj-raqen kan chi sol chi sol k'a xesamej richin nikichajij ri ruchi' ri rachoch ri Dios.

¹³Y ri Dios xuk'ut k'a chikiwech ri achoq pa ruwi' niqaqa-wi ri samaj ri', stape' e ch'uti'q o e nima'q.

¹⁴Ri Dios xuk'ut k'a chikiwech ri Selemías y ri Zacarías ri ruk'ajol ri chuqa' jun aj-na'oj. Y ri Selemías xk'ulumaj kan ri ruchi' ri k'o pa relebel-q'ij chire ri rachoch ri Dios, y ri Zacarías xk'ulumaj kan ri k'o pa xaman.

¹⁵Ri Obed-edom xk'ulumaj kan ri k'o pa xokon, y ri e ralk'ual nikichajij ri yakonabel chupan ri rachoch ri Dios.

¹⁶Ri Supim y ri Hosá xkik'ulumaj kan ri ruchi' ri k'o pa qajbel-q'ij, y ri ruchi' rubini'an Saléquet akuchi nibe-wi ri bey pa jotol, chuqa' nilitej pa qajbel-q'ij. Keri' k'a rubanik richin yesamej:

¹⁷Ronojel q'ij e waqi' chajinela' e levita yek'oje' chuchi' ri rachoch ri Dios ri k'o pa relebel-q'ij, kaji' yek'oje' pa xaman, kaji' pa xokon, y e ka'i' ri yechajin ri yakonabel.

¹⁸E kaji' yechajin pa qajbel-q'ij chire ri ruwa-jay chuchi-pe ri bey, y e ka'i' ri yechajin ri ruwa-jay.

¹⁹Keri' k'a rubanik ri samaj ri xya'ox chike ri kijatzul kan ri Coré y ri Merarí.

²⁰Y ch'aqa' chik levita jari' yechajin ri beyomel richin ri rachoch ri Dios y ri yakonabel richin ri sipanik.

²¹Ri Ladán rijatzul kan ri Guersón, y rija' rutata' ri Jehiel,

²²Ri e ruk'ajol ri Jehiel ja ri Zetam y ri Joel, y pa kiq'a' rije' k'o-wi ri beyomel ri ek'o pa rachoch ri Dios.

²³Ch'aqa' chik chajinela' ja ri Ishar, ri Hebrón y ri Uziel, e rijatzul kan ri Amram.

²⁴Ri Sebuel ja rija' ri aj-raqen ri k'o pa ruwi' ri beyomel ri', y rija' rijatzul kan ri Guersón, ri ruk'ajol kan ri Moisés.

²⁵Ri Eliézer rach'alal kan ri Guersón, y ri e rijatzul kan ri Eliézer ja ri Rehabías, ri Isaías, ri Joram, ri Zicrí y ri Selomit.

²⁶Pa kiq'a' ri Selomit y ri e rach'alal k'o-wi kan ri yakonabel richin ronojel ri e jachon pa ruq'a' ri Dios koma ri rey David, ri aj-raqen pa kiwi' ri ek'o pa kachoch, y ri e aj-raqen pa kiwi' ri aj-labal.

²⁷Ri kich'akon-pe pa labal, xkisuj richin nikusex chupan ri rachoch ri Dios.

²⁸Y chuqa' k'o chiri' ri rujachon kan ri Samuel ri nitz'eton ri peteneq, ri rujachon kan ri Saúl ruk'ajol ri Cis, ri Abner ruk'ajol ri Ner y ri Joab ral ri Seruiá. Ronojel re' pa kiq'a' ri Selomit y ri e rach'alal ya'on-wi kan.

²⁹Ri Quenanías rijatzul kan ri Ishar, y ri e ruk'ajol rija' ja rije' ri e aj-raqen pa kiwi' ri ruwach'ulew y to'onela' chikikojol ri winaqi' richin ri Israel.

³⁰Ri Hasabías rijatzul kan ri Hebrón, y rija' k'o pa kiwi' e 1,700 achi'a' ri kan k'o janila kejqalen. Y rije' e aj-raqen pa ruwi' ri rusamaj ri Dios y ri rey chiri' pan Israel ri k'o pa qajbel-q'ij chire ri raqen-ya' Jordán.

³¹Ri Jerías rijatzul kan ri Hebrón. Y ri David xerucha' kan 2,700 achi'a' ri kan e rach'alal richin xe'ok aj-raqen pa ruwi' ri rusamaj ri Dios y ri rey chiri' pa relebel-q'ij chire ri raqen-ya' Jordán. Y ronojel re' xbanatej chupan ri juna' kawineq chire ri q'atbel-tzij richin ri rey David, toq xuteq kajlaxik ri e rijatzul kan ri Hebrón. Konojel ri achi'a' ri' aj pa tinamit Jazer richin Galaad.