Read Kaqchikel Neh 10 Bible Online

Neh 10 - Kaqchikel bible

Neh 10

¹Ja ronojel bi'aj re' ri niq'alajin chuwech re jun wuj re', kan xqaya' kan retal rik'in ri qabi' chiqajujunal: Yin Nehemías in ruk'ajol ri Hacalías in aj-raqen pa ruwi' ri ruwach'ulew. Y chuqa' xkitz'ibaj kan kibi' ri Sedequías,

²ri Seraías, ri Azarías, ri Jeremías,

³ri Pashur, ri Amarías, ri Malquías,

⁴ri Hatús, ri Sebanías, ri Maluc,

⁵ri Harim, ri Meremot, ri Abdías,

⁶ri Daniel, ri Guinetón, ri Baruc,

⁷ri Mesulam, ri Abías, ri Mijamín,

⁸ri Maazías, ri Bilgai y ri Semaías. Konojel re' e sacerdote.

⁹Y ri ch'aqa' chik levita chuqa' xkiya' kan kibi' chuwech ri wuj, y ri kibi' rije' jare': Ri Josué ruk'ajol ri Azanías, ri Binuy jun chike ri e rijatzul kan ri Henadad, ri Cadmiel,

¹⁰ri Sebanías, ri Hodías, ri Quelitá, ri Pelaías, ri Hanán,

¹¹ri Micaías, ri Rehob, ri Hasabías,

¹²ri Zacur, ri Serebías, jun chik Sebanías,

¹³ri jun chik Hodías, ri Baní y ri Beninu.

¹⁴Y ri tata'al chuqa' xkiya' kan kibi' chuwech ri wuj, y ri kibi' rije' jare': Ri Parós, ri Pahat-moab, ri Elam, ri Zatú, ri Baní,

¹⁵ri Binui, ri Azgad, ri Bebai,

¹⁶ri Adonías, ri Bigvai, ri Adín,

¹⁷ri Ater, ri Ezequías, ri Azur,

¹⁸ri Hodías, ri Hasum, ri Besai,

¹⁹ri Harif, ri Anatot, ri Nebai,

²⁰ri Magpías, ri Mesulam, ri Hezir,

²¹ri Mesezabel, ri Sadoc, ri Jadúa,

²²ri Pelatías, ri Hanán, ri Anaías,

²³ri Oseas, ri Hananías, ri Hasub,

²⁴ri Halohés, ri Pilhá, ri Sobec,

²⁵ri Rehúm, ri Hasabná, ri Maaseías,

²⁶ri Ahías, ri Hanán, ri Anán,

²⁷ri Maluc, ri Harim, y ri Baaná.

²⁸Ri ch'aqa' chik sacerdote, ri e levita, ri chajinela' richin ruchi' ri rachoch ri Dios, ri bixanela', ri samajela' richin ri rachoch ri Dios, y ri ch'aqa' chik winaqi' richin ri tinamit xa kich'aron-ki' kik'in ri ch'aqa' chik winaqi' ri man e kiwinaq ta, roma rije' xkitaqej rupixa' ri Dios. Konojel re winaqi' re' xkiya' chikiwech junan kik'in ri kixjayilal, ri kimi'al-kik'ajol, y konojel kalk'ual ri niq'ax chik chikiwech, richin nikitaqej ri pixa' ri'.

²⁹Konojel rije' xkimol-ki' kik'in ri kach'alal ri k'o más kiq'ij ri kan xkiya' kitzij chi rije' kan xtikiben na wi ri nubij ri rupixa' ri Dios ri xuya' chire ri Moisés ri rusamajel. Y wi man xtikiben ta, kan tiqaqa k'a ri ruk'ayewal pa kiwi'.

³⁰Y rije' kan kere' k'a xkibij: Man xtiqaya' ta q'ij chi ri qami'al-qak'ajol xkek'ule' kik'in xtani' o alaboni' ri man e qawinaq ta.

³¹Roj man xtiqaloq' ta ni jun chikiwech ri winaqi' ri yepe juk'an chik tinamit ri ye'ok'ayin chupan ri q'ij richin uxlanenri'il, y ri ch'aqa' chik q'ij toq k'o nimaq'ij, kan man xtiqaloq' ta ni ri richin yetij. Y chuqa' toq napon ri wuqu' juna' man jun tiko'n niqaben chuwech ri ulew richin nuxlan y chuqa' xabachike ruwech k'as xtiqakuy.

³²Y chuqa' xqaq'et pa qawi' ri ruchojmilal richin chiqajujunal k'o chi niqaya' jutaqba' ronojel juna', richin niqatoj ronojel re':

³³Ri kaxlan-wey ri kan richin pa rachoch ri Dios, ri sipanik richin jalajoj ruwech ixin ri yesipex ronojel q'ij, ri taq chikopi' ri yeporox jumul ronojel q'ij, ri taq chikopi' ri yesuj chupan ri q'ij richin uxlanenri'il, ri niban toq k'ak'a' ik' y ri ch'aqa' chik nimaq'ij ri niban ronojel juna', ri sipanik ri kan ek'o rejqalen, ri kamelabel ri niban richin kuyubel qamak y richin ronojel ilinik ri niban pa rachoch ri Dios.

³⁴Kan xqelesaj k'a rik'in sakinik ri kibi' ri qawinaq, ri e sacerdote y ri ch'aqa' chik levita, ri achike yek'amo-pe ri si' ri nik'atzin richin ri porobel pa rachoch ri Jehová, achi'el ri tz'ibatel kan chupan ri pixa'.

³⁵Y chuqa' xqabij chi ronojel juna' xtiqak'en-pe pa rachoch ri Jehová ri nabey ruwech taq che' ri yetij, y ri nabey taq ruwech ri qatiko'n.

³⁶Y keri' chuqa' ri nabey taq qak'ajol y ri nabey taq kal ri qawej, xtiqak'en-pe pa rachoch ri Dios, chikiwech ri sacerdote ri yesamej chiri', achi'el ri tz'ibatel kan chupan ri pixa'.

³⁷Y chuqa' xqaya' qatzij chi niqak'uaj pa rachoch ri Dios chike ri sacerdote ronojel re': Ri k'ej richin ri nabey taq k'ej, ri qasipanik richin jalajoj ruwech ixin, ri jebelej ruwech taq che' richin yetij, ri jebelej taq vino y ri jebelej taq aceite richin olivo. Y chike ri e levita niqaya' ri jun chire ri lajuj richin ronojel, toq rije' xke'el richin nikimol.

³⁸Y toq rije' nikik'ul ri jun chire ri lajuj, k'atzinel chi kachibilan jun sacerdote ri rijatzul kan ri Aarón. Y xtikik'uaj ronojel re' chiri' pa yakonabel richin ri beyomel chupan ri rachoch ri Dios.

³⁹Keri' chuqa' roj y ri e levita xtiqak'uaj chupan ri yakonabel richin ri beyomel, ronojel ri jalajoj ruwech sipanik, achi'el ri jalajoj ruwech ixin, ri vino y ri aceite. Y xtibeqaya' kan chiri' pa rachoch ri Dios, ri akuchi ek'o-wi ronojel samajibel ri nikisamajij ri sacerdote, ri e chajinela' y ri bixanela'. Y keri' xqaya' qatzij chi man niqamalij ta kan ri rachoch ri qa-Dios.