Read Kaqchikel Neh 12 Bible Online

Neh 12 - Kaqchikel bible

Neh 12

¹Jare' ri sacerdote y ri e levita ri xetzolin-pe rik'in ri Zorobabel y rik'in ri Josué. Ri sacerdote ri e aj-raqen ri ek'o pa ruq'a' ri Josué ja ri Seraías, ri Jeremías, ri Esdras, ri Amarías, ri Maluc, ri Hatús, ri Secanías, ri Rehúm, ri Meremot, ri Idó, ri Guinetón, ri Abías, ri Mijamín, ri Maadías, ri Bilgá, ri Semaías, ri Joiarib, ri Jedaías, ri Salú, ri Amoc, ri Hilquías y ri Jedaías.

⁸Ri levita, ri bixanela' ri yepa'e' pa kik'ojelibal toq yematioxin jare': Ri Josué, ri Binuy, ri Cadmiel, ri Serebías, ri Judá y ri Matanías ri aj-raqen pa kiwi' rije'.

⁹Y ri ch'aqa' chik ri yepa'e' juk'an chik, ja ri Bacbuquías y ri Uní.

¹⁰Jare' ri ruchojmilal ri rijatzul ri nimalej sacerdote Josué: Rija' xralk'ualaj ri Joaquim, y ri ruk'ajol ja ri Eliasib,

¹¹y ri ruk'ajol ri Eliasib ja ri Joiadá, ri Joiadá rutata' ri Johanán y ri Johanán rutata' kan ri Jadúa.

¹²Pa ruq'ijul ri nimalej sacerdote Joaquim, ri sacerdote ri aj-raqen ri ek'o pa ruwi' ri aj pa kachoch ja ri Seraías, ri Meraías, ri Jeremías, ri Hananías; ri Esdras, ri Mesulam; ri Amarías, ri Johanán; ri Melicú, ri Jonatán; ri Sebanías, ri José; ri Harim, ri Adná; ri Meraiot, ri Helcai; ri Idó, ri Zacarías; ri Guinetón, ri Mesulam; ri Abías, ri Zikrí; ri Miniamín, ri Moadías, ri Piltai; ri Bilgá, ri Samúa; ri Semaías, ri Jonatán; ri Joiarib, ri Matenai; ri Jedaías, ri Uzí; ri Salai, ri Calai; ri Amoc, ri Éber; ri Hilquías, ri Hasabías; ri Jedaías, y ri Natanael.

²²Xtz'ibatej k'a kibi' ri aj-raqen kichin ri ach'alalri'il kichin ri e levita, ri xek'oje' pa ruq'ijul ri Eliasib, ri Joiadá, ri Johanán, ri Jadúa y ri Darío, rey richin Persia.

²³Jak'a toq kamineq chik ri Johanán rumam kan ri Eliasib, man xtz'ibatej ta chik bi'aj.

²⁴Ri aj-raqen pa kiwi' ri e levita y ri bixanela' ja ri Hasabías, ri Serebías y ri Josué ruk'ajol ri Cadmiel. Chikiwech rije' ek'o ka'i' tzobaj bixanela', ri jun tzobaj nibixan-apo y ri jun chik tzobaj chuqa' yebixan-pe. Y rije' yematioxin y nikiya' ruq'ij ri Dios, achi'el ri ruchojmilal ri ruya'on kan ri rey David, achin richin ri Dios.

²⁵Y ri Matanías, ri Bacbuquías, ri Abdías, ri Mesulam, ri Talmón y ri Acub ja rije' ri yechajin ruchi' ronojel ri jay richin ri yakonabel richin ri rachoch ri Dios.

²⁶Ri k'a juba' keqanataj-qa xek'ase' chupan ri ruq'ijul ri Joaquim ri ruk'ajol ri Josué y rumam kan ri Josadac, chupan chuqa' ri nuq'ijul toq yin Nehemías in aj-raqen pa ruwi' ri ruwach'ulew Judá, y chupan chuqa' ri ruq'ijul ri sacerdote Esdras ri tijonel.

²⁷Y keri' xk'achoj-q'anej ri tz'aq richin ri tinamit. Y toq xapon ri q'ij richin ri matioxinik chire ri Dios, xebekanox k'a konojel ri levita ri kitalun-ki' pa taq tinamit, richin ye'apon pa nimaq'ij richin ri matioxinik. Y rije' xe'apon k'a richin xebixan rik'in kikoten y xkiq'ojomaj ri platillo, arpa, y ri lira.

²⁸Chuqa' xemol k'a ri bixanela' levita, ri ek'o chunaqaj ri Jerusalem y ri ek'o pa taq kokoj tinamit richin ri tinamit Netofá,

²⁹ri Guilgal, ri pa taq juyu' richin ri Gueba y ri Azmávet, roma rije' kibanalon-qa kokoj taq tinamit chuchi-el ri Jerusalem.

³⁰Y ri sacerdote y ri levita xkich'ajch'ojirisaj-ki' kan achi'el nubij ri pixa'. Keri' chuqa' xkiben kik'in ri winaqi' ri e richin ri tinamit y keri' chuqa' xkiben rik'in ri tz'aq y ri ruchi'.

³¹Yin Nehemías xinben chike ri aj-raqen chi xejote' pa ruwi' ri tz'aq. Y chuqa' xinben chi xejote' ri ka'i' nima'q taq tzobaj bixanela', richin nikiya' ruq'ij ri Jehová Dios, ri nabey tzobaj xebe pa ijkiq'a' pa ruwi' ri tz'aq ri napon-qa pa ruchojmilal ri ruchi' ri toribel q'ayis.

³²Y chikij re bixanela' re' e beneq ri Hosaías e rachibilan ri nik'aj chike ri aj-raqen,

³³y chuqa' ri Azarías, ri Esdras, ri Mesulam,

³⁴ri Judá, ri Benjamín, ri Semaías y ri Jeremías,

³⁵e kachibilan chuqa' ri sacerdote ri kik'uan trompeta, chuqa' ri Zacarías ri ruk'ajol ri Jonatán, ri Jonatán ruk'ajol kan ri Semaías, ri Semaías ruk'ajol kan ri Matanías, ri Matanías ruk'ajol kan ri Micaías, ri Micaías ruk'ajol kan ri Zacur, ri Zacur ruk'ajol kan ri Asaf.

³⁶Y chuqa' chikij rije' e beneq ri yeq'ojoman jalajoj ruwech taq q'ojom: Ri Semaías, ri Azarel, ri Milalai, ri Guilalai, ri Maai, ri Natanael, ri Judá y ri Hananí. Y rije' xkiq'ojomaj ri q'ojom achi'el xukusaj ri David ri rusamajel ri Dios ojer kan. Y ri tijonel Esdras ik'owineq chikiwech rije'.

³⁷Y ri bixanela' xebiyin pa ruwi' ri tz'aq y xeq'ax pa ruwi' ruchi' ri tz'aq pa ruchojmilal ri ralaxbel-ya'. Xejote-q'anej k'a chuchi' ri rutinamit kan ri rey David y xeq'ax chunaqaj ri rachoch. Xe'apon-q'anej k'a chuchi' ri tz'aq akuchi ye'el-ye'ok-wi ri erey taq ya', pa ruchojmilal akuchi nel-pe ri q'ij.

³⁸Ri ruka'n tzobaj bixanela' e beneq pa xokon, y yin in beneq chikij ri pa ruwi' ri tz'aq rik'in ri nik'aj chik tinamit. Xojtiker-el rik'in ri rachoch ri chajinel ri k'o pa ruwi' ri tz'aq akuchi k'o-wi ri Horno, y xojapon k'a akuchi nim ruwech ri tz'aq.

³⁹Y xojq'ax pa ruwi' ri ruchi' ri tz'aq ri nibe pan Efraín, ri ruchi' ri tz'aq rubini'an Jesaná, ri ruchi' ri akuchi ye'ok-wi ri k'ayil taq ker, ri ruchi' ri rachoch ri chajinel ri k'o pa ruwi' ri tz'aq richin ri Hananel, ri rachoch ri chajinel ri k'o pa ruwi' ri tz'aq ri nibix Cien chire y chuqa' ruchi' ri tz'aq akuchi ye'ok-wi ri karne'l, y xojbepa'e' k'a akuchi ek'o-wi ri ruchi' kichin ri chajinela'.

⁴⁰Y toq xkik'ul-ki' ri ka'i' tzobaj bixanela', xojmatioxin, y xojok-apo qonojel chuwa-jay chire ri rachoch ri Dios.

⁴¹Y ri sacerdote ri yexupun ri trompeta ja ri Eliaquim, ri Maaseías, ri Miniamín, ri Micaías, ri Elioenai, ri Zacarías, ri Hananías,

⁴²ri jun chik Maaseías, ri Semaías, ri Eleazar, ri Uzí, ri Johanán, ri Malquías, ri Elam y ri Éser. Y ri bixanela' xebixan rik'in ronojel kuchuq'a' y ri Izrahías, jari' ri kitijonel.

⁴³Chupan ri q'ij ri' janila kamelabel xqasuj, y qonojel xojkikot roma ri Dios xuya' jun nimalej uxlanibel-k'u'x chiqe. Chuqa' ri ixoqi' y ri ak'uala' kan janila xekikot. Ri kikoten ri xbanatej pa Jerusalem k'a nej xapon-wi ri rutzijol.

⁴⁴Chupan ri q'ij ri' xecha'ox kan achi'a' richin nikichajij ri jay richin ri beyomel, richin ri sipanik, richin ri nabey taq ruwech tiko'n, richin ri jun chire ri lajuj chire ri kich'akoj, roma ri winaqi' k'o chi nikik'en-pe juba' chire ronojel ri nipe pa taq juyu' y pa taq tinamit, richin nich'ar chike ri sacerdote y ri levita, y roma ri' ri winaqi' judío janila yekikot kik'in re sacerdote y re levita re'.

⁴⁵Y k'ari' ri sacerdote kan xe'ok k'a samajela' richin ri Dios y xkich'ajch'ojirisaj-ki'. Chuqa' xekich'ajch'ojirisaj ri bixanela' y ri chajinela'. Xkiben k'a ri kisamaj achi'el ri rupixa' ri David y ri Salomón ri ruk'ajol.

⁴⁶Toq k'a e k'es na ri David y ri Asaf, ri ojer kan xek'oje' aj-raqen chikikojol ri bixanela' toq yebixan richin nikiya' ruq'ij ri Dios y yematioxin chire.

⁴⁷Chupan ri ruq'ijul ri Zorobabel y yin ri in aj-raqen; chupan ri q'ij ri' ri tinamit xuya' kiway ri bixanela' y ri chajinela' richin ri rachoch ri Dios. Chuqa' xkiya' juba' chire ronojel chike ri levita, y re levita re' xkiyala' chuqa' chike ri sacerdote ri e rijatzul kan ri Aarón.