Read Kaqchikel Job 25 Bible Online

Job 25 - Kaqchikel bible

Job 25

¹K'ari' xch'on chik ri Bildad y xubij:

²Ri Dios ri kan k'o ronojel uchuq'a' rik'in y kan k'o rukiy; pa ruq'a' rija' k'o-wi ronojel, roma ri' kan tikirineq rubanon chi k'o uxlanibel-k'u'x chila' chikaj.

³Ri aj-labal ri ek'o rik'in rija' kan man e ajlatel ta, y ri saqil ri nuya-pe rija', kan pa kiwi' k'a konojel niqaqa-wi.

⁴¿Kan nitikir kami nubij jun wineq chire ri Dios chi man aj-mak ta? Roma ri wineq xa aj-ruwach'ulew y kan wawe' chuqa' alaxineq-wi, xa roma ri' kan man ch'ajch'oj ta.

⁵Roma chuwech ri Dios jajun ri rusaqil ri ik', xa chaj-chaj nitzu'un, y ri kisaqil ri ch'umila', xa yemoymot chuwech rija';

⁶K'a ta la chik jun wineq, xa man jun ok chuwech ri Dios, xa achi'el ok jun ti jut, ri achin xa achi'el ok jun ti rixkolob-ulew chuwech rija', xcha' ri Bildad.