Read Kaqchikel Sal 101 Bible Online

Sal 101 - Kaqchikel bible

Sal 101

¹Yin kan chawe k'a rat nimalej Jehová xkibixan-wi. Ri joyowanik y ri ruchojmilal, jari' ri xtinbixaj.

²Ninrayibej chi choj ta ri nuk'aslen. Keri' toq rat xkape wik'in richin yinato'. Yin kan rik'in ruch'ajch'ojil wánima xtinq'et-tzij chupan ri wachoch.

³Kan man xkentzu' ta k'a ri xa man e choj ta; ri kibanobal ri nikich'er kan ki' awik'in kan ninwetzelaj. Kan man xtinya' ta k'a q'ij chi jun chike rije' xtijel-pe wik'in.

⁴Kan xtinwelesaj k'a pa nujolon ri itzel taq ch'obonik. Ri wineq itzel rubanobal kan man ninrayij ta k'a ninwetamaj ruwech.

⁵Yin kan xkenk'is k'a el ri winaqi' ri pan ewel yech'on itzel chikij ri kiwinaq. Man ninkoch' ta yentz'et ri winaqi' ri janila nikinimirisaj-ki'.

⁶Jak'a ri winaqi' choj kik'aslen, ri' kan xkesamej pa wachoch, ri wineq ri kan nuk'uaj ri utzilej bey, jari' ri xtisamajin wichin.

⁷Ri pa wachoch yin kan man xtik'oje' ta k'a jun wineq ri kan xaxe q'oloj yeruben. Ri tz'ukuy-tzij kan man xtintzu' ta k'a ruwech yin.

⁸Q'ij-q'ij k'a xkenwelesaj-el ri winaqi' ri' chupan ri rutinamit ri Jehová.