Read Kaqchikel Sal 124 Bible Online

Sal 124 - Kaqchikel bible

Sal 124

¹Wi ri Jehová man ta xk'oje' qik'in roj, kere' nikibij ta ri israelita:

²Wi ri Jehová man ta xk'oje' qik'in roj, toq ri winaqi' xeyakatej chiqij,

³kan ta keri' oj k'es xojkibeq', toq yakatajineq janila koyowal chiqij.

⁴Keri' ri e etzelanel qichin kan ta xojkiqirirej-el achi'el nuben jun raqen-ya', achi'el nuben jun raqen-ya' toq yerumuq ri winaqi'.

⁵Keri' xq'ax ta ri nimalej raqen-ya' pa qawi'.

⁶Nimalej ruq'ij ri Jehová, roma kan man xuya' ta q'ij chike ri e etzelanel qichin richin xojkik'is, achi'el nikiben ri k'uxunela' taq chikopi' toq nikiwech' ri kiway.

⁷Roj xojkolotej kan, achi'el nikolotej jun aj-xik' chikop chuwech jun pikbel ri nuya' kan ri kanonel. Xraq'ach'itej k'a ri kipikbal y roj kan xojkolotej kan.

⁸Ri qato'onik roj kan rik'in k'a ri Jehová peteneq-wi, ri xbanon chijun ri kaj y ri ruwach'ulew.