Read Kaqchikel Sal 129 Bible Online

Sal 129 - Kaqchikel bible

Sal 129

¹Kan k'a pa nuk'ajolil k'a ri janila in kitz'ilon-pe. Wakami tubij k'a ri tinamit Israel:

²Kan pa rutikeribel-pe ri janila in poqonatajineq-pe, jak'a kan man e tikirineq ta pe chuwij.

³Kan xkisok k'a ri ruche'el-wij rik'in kolo', kan xkibolosij k'a kan ri nuch'akul.

⁴Jak'a ri Jehová kan choj wi ri nuben; rija' kan xutzak'ila' k'a ri kolo' ri' ri kik'uan ri e etzelanel wichin.

⁵Konojel ri ye'etzelan ri tinamit Sión, xkek'ixbitej ta k'a y xketzolej ta chikij.

⁶Ri winaqi' ri' kan e achi'el ri q'ayis ri nik'iy-pe pa ruwi' jay, ri xa nichaqi'j-qa y man jani tik'iy jebel.

⁷Re q'ayis re', man xtiban ta boraj chire, ni man xtuk'uex ta pa q'etaj roma jun wineq.

⁸K'ate' ta man jun xtik'utun urtisanik pa kiwi' ri winaqi' ri', y chuqa' man ta jun xturtisan kichin pa rubi' ri Jehová. Jak'a roj kan niqak'utuj urtisanik pan iwi' pa rubi' ri Jehová.