Read Kaqchikel Sal 136 Bible Online

Sal 136 - Kaqchikel bible

Sal 136

¹Tiya' ruq'ij ri Jehová roma rija' kan janila jebel; roma ri rujoyowanik rija' kan richin jantape'.

²Tinimirisaj ruq'ij ri Dios ri k'o más nim ruchuq'a' pa kiwi' ch'aqa' chik dios; roma ri rujoyowanik rija' kan richin jantape'.

³Tiya' ruq'ij ri ajaw ri k'o más rejqalen ke chikiwech ri ch'aqa' chik ajaw; roma ri rujoyowanik rija' kan richin jantape'.

⁴Kan xaxe rija' ri xbanon ri nima'q taq banobel; roma ri rujoyowanik rija' kan richin jantape'.

⁵Kan rik'in na'oj xuben ri kaj: Roma ri rujoyowanik rija' kan richin jantape'.

⁶Xurik' ri ruwach'ulew pa ruwi' ri ya':*f119* Roma ri rujoyowanik rija' kan richin jantape'.

⁷Xuben ri nima'q taq saqirisabel ri ek'o chuwech ri kaj: Roma ri rujoyowanik rija' kan richin jantape'.

⁸Ri q'ij xuben chi nisaqirisan paq'ij: Roma ri rujoyowanik rija' kan richin jantape'.

⁹Ri ik' y ri ch'umila' xuben richin yesaqirisan ri chi'aq'a': Roma ri rujoyowanik rija' kan richin jantape'.

¹⁰Xuben chi xeken konojel ri nabey taq al alaboni' pan Egipto: Roma ri rujoyowanik rija' kan richin jantape'.

¹¹Chuqa' xerelesaj-pe ri qati't-qamama' chikikojol rije': Roma ri rujoyowanik rija' kan richin jantape'.

¹²Xuben ronojel re' rik'in nimalej uchuq'a': Roma ri rujoyowanik rija' kan richin jantape'.

¹³Xuch'er pa ka'i' ri Kaqa-Palou: Roma ri rujoyowanik rija' kan richin jantape'.

¹⁴K'ari' xuben chike ri qati't-qamama' chi xeq'ax-el chupan: Roma ri rujoyowanik rija' kan richin jantape'.

¹⁵Xerumuq k'a kan chupan ri ya' ri', ri rey richin Egipto y ri aj-labal: Roma ri rujoyowanik rija' kan richin jantape'.

¹⁶Kan xeruyuq'uj k'a ri qati't-qamama' chupan ri tz'iran ruwach'ulew: Roma ri rujoyowanik rija' kan richin jantape'.

¹⁷Kan xerukamisaj k'a nima'q taq rey kichin ch'aqa' chik ruwach'ulew: Roma ri rujoyowanik rija' kan richin jantape'.

¹⁸Xerukamisaj k'a rey ri k'o janila kiq'ij: Roma ri rujoyowanik rija' kan richin jantape'.

¹⁹Xukamisaj k'a ri Sehón ri ki-rey ri winaqi' amorreo: Roma ri rujoyowanik rija' kan richin jantape'.

²⁰Xukamisaj k'a ri Og ri rey richin ri ruwach'ulew Basán: Roma ri rujoyowanik rija' kan richin jantape'.

²¹Ri kiruwach'ulew re winaqi' re' kan xuya' k'a chike ri qati't-qamama': Roma ri rujoyowanik rija' kan richin jantape'.

²²Xuya' chike richin xkichinaj kan: Roma ri rujoyowanik rija' kan richin jantape'.

²³Tiqamatioxij chire rija' ri kan xojoqaqa chuk'u'x toq niqak'owisaj tijoj-poqonal: Roma ri rujoyowanik rija' kan richin jantape'.

²⁴Xojrukol chikiwech ri e etzelanel qichin: Roma ri rujoyowanik rija' kan richin jantape'.

²⁵Ja rija' k'a nitzuqun kichin konojel ri e k'es chuwech re ruwach'ulew: Roma ri rujoyowanik rija' kan richin jantape'.

²⁶Tiqanimirisaj k'a ruq'ij ri Jehová ri Dios ri k'o chila' chikaj: Roma ri rujoyowanik rija' kan richin jantape'.