Read Kaqchikel Sal 142 Bible Online

Sal 142 - Kaqchikel bible

Sal 142

¹Rik'in ronojel ri wuchuq'a' xkich'on rik'in ri Jehová; kan nink'utuj k'a ri rujoyowanik ri Jehová pa nuwi' yin.

²Chuwech k'a rija' xtinya-wi ronojel ri nusujunik; xtinchol k'a chire rija' ri bis ri k'o pa wánima.

³Jehová, toq yin kan janila yibison, rat kan atk'o wik'in richin natz'et ri nubey. Rat xatz'et chi ri akuchi yibe-wi, ri e etzelanel wichin nikiyala' pikbel pa nubey.

⁴Yitzu'un ri pa wijkiq'a', y man jun k'o richin yiruto'. Man jun akuchi ta ninto-wi-wi', ni kan man jun nichajin wichin.

⁵Yin kan xich'on k'a awik'in rat Jehová; ninbij k'a chi ja rat ri at nukuqubabel-k'u'x, y re wawe' chuwech re ruwach'ulew kan xaxe wi rat ri atk'o wik'in.

⁶Tabana' utzil tawak'axaj ri nuch'abel, roma kan janila in poqonatajineq. Kinakolo' chikiwech ri e tzeqelibeyon wichin. Roma rije' kan más kuchuq'a' chinuwech yin.

⁷Kinawelesaj chupan re ruk'ayewal re', richin chi ninya' aq'ij; ri winaqi' ri choj kik'aslen xtikimol-ki' wik'in toq rat xtaben ri utzil chuwe richin yinakol.