Read Kaqchikel Sal 24 Bible Online

Sal 24 - Kaqchikel bible

Sal 24

¹Chijun ri ruwach'ulew y ronojel ri k'o chuwech kan e richin ri Jehová. Chijun ri ruwach'ulew y konojel ri e k'es chuwech kan e richin-wi rija'.

²Pa ruwi' ri palou xuben-wi ri ruwach'ulew. Xuya' kixe' ri ruwach'ulew chupan ri ya' ri nej e qajineq-wi.*f23*

³¿Achike ta k'a xtitikir xtijote' pa ruwi' ri juyu' richin ri Jehová? ¿Achike kami xtitikir xtapon ri k'a akuchi k'o-wi rija'?

⁴Xa kan xaxe k'a ri ch'ajch'oj kibanobal y ch'ajch'oj kánima, ri man kikuquban ta kik'u'x rik'in ri wachibel, ni man jun q'olonik nikiben.

⁵Rije' xtikik'ul k'a urtisanik pa ruq'a' ri Jehová. Toq xtiq'at-tzij pa kiwi', ri Dios ri xkolon kichin xtubij chi rije' kan e choj.

⁶Keri' k'a ri sol winaqi' ri yekanon richin rija', ri xkejel-apo rik'in ri nimalej Dios richin ri Jacob.

⁷¡Wakami k'a tijaqa' ri okibel richin ri tinamit, chuqa' ri okibel ri kan ek'o-pe ojer, richin nok-apo ri rey ri k'o ronojel ruq'ij!

⁸¿Achike k'a ri' ri rey ri k'o ruq'ij? Ja ri Jehová ri kan janila ruchuq'a' y kan man jun k'a xibinri'il rik'in. Ja ri Jehová ri kan nich'akon chupan ri oyowal.

⁹¡Wakami k'a tijaqa' ri okibel richin ri tinamit, chuqa' ri okibel ri kan ek'o-pe ojer, richin nok-apo ri rey ri k'o ronojel ruq'ij!

¹⁰¿Y achike ri' ri rey ri k'o ruq'ij? Ja ri Jehová ri k'o ronojel uchuq'a' pa ruq'a', Ja rija' ri rey ri k'o ronojel ruq'ij.