Read Kaqchikel Sal 4 Bible Online

Sal 4 - Kaqchikel bible

Sal 4

¹Nu-Dios yin, ri pa ruchojmilal yaq'aton-tzij, tak'uluba' k'a pe ri nuch'abel toq yich'on-q'anej awik'in; toq xik'oje' pa bis, rat xaya' uxlanen chuwe. Tajoyowaj k'a nuwech y tawak'axaj k'a ri nuch'owen.

²Rix achi'a', ¿k'a janipe' k'a yixtane' richin yiniyoq'? ¿K'a janipe' k'a yixtane' richin niqasaj nuq'ij y nibij tz'ukun taq tzij?

³Tiwetamaj k'a chi ri Jehová e rucha'on ri choj kik'aslen chuwech rija'. Roma ri' kan xtrak'axaj toq yin xkich'on rik'in.

⁴Tik'oje' k'a rukiy ri Dios chiwech y man chaq yixmakun. Toq ix kotz'ol y silan-silan chik, tiquqa' pa taq iwánima ri ibanobal chuwech rija'.

⁵Tisuju' k'a kamelabel rik'in ch'ajch'ojil chuwech ri Dios, y kan tikuquba' k'a ik'u'x rik'in.

⁶E k'iy ri nikik'utuj y nikibij: ¿Achike ta xtik'utu chiqawech ri utz?, yecha'. Tabana' utzil Jehová, taya' ri awutzil pa qawi' roj.

⁷Rat nu-Dios, nim kikoten ri aya'on pa wánima. Kan ik'owineq chikiwech ri winaqi' ri k'o pa ruk'iyal ri trigo y vino kik'in.

⁸Rik'in uxlanibel-k'u'x xkikotz'e-qa y keri' xkiwer jebel; roma xaxe rat Jehová ri yabanon chuwe chi kuqul nuk'u'x yik'ase'.