Read Kaqchikel Sal 54 Bible Online

Sal 54 - Kaqchikel bible

Sal 54

¹Nu-Dios yin, tabana' utzil kinakolo' roma ri nimalej abi'. Kan kinato' k'a rik'in ri awuchuq'a'.

²Nimalej Dios, tawak'axaj ri nuch'owen. Tawak'axaj ronojel ri ch'abel ri nel-pe pa nuchi'.

³Roma kan e k'iy k'a ri man e nuwinaq ta ri e yakatajineq chuwij. E k'iy k'a winaqi' ri janila e itzel, ri yinkikanoj richin yinkikamisaj. Re winaqi' re' kan man yatoqaqa ta k'a chikik'u'x.

⁴Jak'a yin kan ja rat nu-Dios ri yato'on wichin. Ja rat wajaw ri at chapayon ri nuk'aslen.

⁵Kan xtaya' k'a rutojbalil-mak chike ri e etzelanel wichin. Ajaw, kan tawelesaj k'a el ri kik'aslen re winaqi' re' roma rat, kan naben ri nabij.

⁶Yin kan rik'in k'a ronojel wánima xtinsuj sipanik chawe. Kan xtinbixaj k'a ri nimalej abi' rat Jehová, roma kan janila at utz wik'in yin.

⁷Roma rat kan in ato'on rik'in ronojel ri bis. Yin kan xintz'et k'a chi ri e etzelanel wichin kan xetzaq.