Read Kaqchikel Sal 57 Bible Online

Sal 57 - Kaqchikel bible

Sal 57

¹Tabana' utzil tajoyowaj nuwech nu-Dios yin, taya' ri awutzil pa nuwi'; roma awik'in rat nukuquban-wi nuk'u'x y kan awik'in k'a rat ninto-wi-wi', k'a toq xtiq'ax na ri ruk'ayewal.

²Xkich'on k'a awik'in rat nimalej Dios, ja rat ri yabanon utzil chuwe richin jantape'.

³Kan k'a chila' chikaj nateq-pe ri awutzil pa nuwi' y kan yirukol chuwech ri kich'abel ri e etzelanel wichin. Rat kan nateq k'a pe ri ajoyowanik pa nuwi' y kan naben wik'in ri nabij.

⁴Yin achi'el xa ta chikikojol koj ink'o-wi, Ink'o chikikojol winaqi' ri nikajo' yinkik'is. Ri key kan achi'el ri kum y kokoj taq ch'ab, y ri kaq' kan achi'el k'a jun espada ri ya-ya' rey.

⁵¡Nu-Dios yin, kan tinimirisex k'a aq'ij pa ruwi' ri kaj. kan chuwech k'a chijun ri ruwach'ulew, tiq'alajin ri ak'ojlemal!

⁶Ri e etzelanel wichin kan kiya'on k'a pikbel pa nubey; ri wánima kan janila k'a niq'axon; rije' kan kik'oton k'a jul richin yitzaq, y chupan k'a ri jul ri' xa ja rije' ri xetzaq.

⁷Jare' k'a k'o ri wánima chawech, rat nu-Dios, kan nujachon k'a wi' pan aq'a'. Kan xtinbixaj k'a ri abi' y kan xtinya' aq'ij.

⁸¡Wánima yin, kan kayakatej k'a! ¡kixyakatej rix jalajoj ruwech q'ojom! ¡yin kan xtinya' k'a ruq'ij ri Dios nimaq'a' yan!

⁹Nimalej ajaw, kan xtinya' k'a aq'ij chikikojol ri ruwach'ulew. Xtinbixaj ri abi' chikikojol ri winaqi'.

¹⁰Ri ajoyowanik rat, kan janila nim ri kan niberuq'i' ri kaj, kan napon k'a rik'in ri sutz' ri asujun chiqe.

¹¹¡Nu-Dios yin, kan tinimirisex k'a aq'ij pa ruwi' ri kaj. kan chuwech k'a chijun ri ruwach'ulew, tiq'alajin ri ak'ojlemal!