Read Kaqchikel Sal 6 Bible Online

Sal 6 - Kaqchikel bible

Sal 6

¹Jehová, tabana' utzil man yinaya' pa ruk'ayewal toq awoyowal. Ni man taben chuwe richin nintej poqon rik'in ri awoyowal.

²Tajoyowaj nuwech, Jehová, roma kan maneq chik wuchuq'a'. Kinawaq'omaj, roma ri nuq'axo'n napon k'a chupan ri nubaqil.

³Chuqa' ri wánima kan janila nibison. Y rat Jehová ¿K'a jampe' k'a xkinato'?

⁴Tabana' utzil Jehová takolo' ri nuk'aslen; kinakolo' k'a roma ri ajoyowanik.

⁵Roma toq jun kamineq chik, kan man xtunataj ta chik ri abi'. ¿Achike ta k'a xtiya'on aq'ij, chupan ri muqbel kamineq?

⁶Yin kan xirijix yan k'a roma oq'ej. Ronojel aq'a' janila yinoq' pa nuwarabel. Kan xch'eqe' yan k'a ri nuch'at rik'in ri ruya'al runaq'-nuwech.

⁷Kan man yitikir ta chik yitzu'un, roma ri e etzelanel wichin kan nikiben chuwe richin janila yinoq'.

⁸Tijech'ej k'a iwi' wik'in yin rix ri ix banoy taq etzelal, roma ri Jehová xrak'axaj yan ri woq'ej.

⁹¡Ri Jehová kan xrak'axaj k'a ri nuk'utunik! ¡Ri Jehová xrak'axaj yan y xtuk'uluba-pe ri nuch'owen!

¹⁰Ri e etzelanel wichin, xkek'ixbitej y xtikixibij-ki'. Xa xke'animej k'a chaq k'ate'.