Read Kaqchikel Isa 12 Bible Online

Isa 12 - Kaqchikel bible

Isa 12

¹Chupan k'a ri q'ij ri' rix nuwinaq xtibij: Xtiqabixaj k'a abi' rat Jehová. Stape' xpe awoyowal chiqe, jak'a re wakami xa xq'ax yan, y maneq chik janila q'axo'n qik'in.

²Kan qitzij Dios, ja rat ri qakolonel. Roj kan xtiqakuquba' qak'u'x awik'in y man xtiqaxibij ta qi', roma kan ja rat ri yaya'on ri quchuq'a', y naya' jun bix chiqe. Chuqa' naya' qakolotajik.

³Toq jun wineq chaqi'j ruchi', y nuqum juba' ch'ich' ya', kan janila nikikot. Keri' chuqa' yojkikot roj toq rat Jehová yojakol.

⁴Chupan k'a ri q'ij ri', rix nuwinaq xtibij: Tiqaya' matiox chire ri Jehová, y kan tiqaya' ruq'ij. Chuqa' tiqaya' k'a rutzijol chike konojel winaqi' richin chijun ruwach'ulew ri nima'q taq rubanobal. Kan tiqaya' rutzijol chi rija' kan nimalej-wi.

⁵Kan tiqabixaj bix richin niqaya' ruq'ij ri Jehová, roma rija' kan e rubanon nima'q taq banobel. Re' kan tetamex chupan ronojel re ruwach'ulew.

⁶Kan qojsik'in rik'in kikoten. Kan qojbixan qonojel roj winaqi' aj-Sión, roma ri qa-Dios kan nim chiqakojol.