Read Kaqchikel Jer 24 Bible Online

Jer 24 - Kaqchikel bible

Jer 24

¹Toq ri Nabucodonosor rey richin Babilonia xeruk'uaj-el yan-el pa ximonri'il ri rey Jeconías ri ruk'ajol ri Joaquim, ri e q'atoy taq tzij y ri yebanon jalajoj ruwech samaj. Jari' toq ri Jehová xuk'ut chinuwech ka'i' chakech wíkix ri ya'on chiri' chuwech ri rachoch rija'.

²Jun k'a chike ri chakech k'o k'a wíkix chupan ri kan janila e jebel, ri kan e nabey taq ruwech ri wíkix, jak'a ri jun chik chakech k'o k'a wíkix chupan ri kan janila itzel y roma kan janila q'ayineq kan man yatikir ta natej.

³K'ari' ri Jehová xuk'utuj chuwe chi achike nintz'et. Y yin xinbij chire chi nintz'et wíkix. Ri wíkix ri kan janila e jebel kan e jebel y ri man e utz ta kan e itzel, roma kan janila q'ayineq kan man yatikir ta natej.

⁴K'ari' ri Jehová xubij chuwe:

⁵Yin Jehová ri i-Dios ri yibin. Achi'el ri wíkix ri janila e jebel, keri' yentz'et yin ri aj-Judá ri xe'uk'uex-el pa ximonri'il chiri' pa Babilonia.

⁶Xtinben k'a ri utz kik'in rije', richin utz xkebe. Y xtinben chike richin xketzolin chik pe chupan re ruwach'ulew. Xkenjikiba' chuwech ri ruwach'ulew achi'el nitik jun wíkix y man xkenwelesaj ta chik el. Xkenwinaqirisaj chik q'anej y man xkenk'is ta chik el.

⁷Xtinya' k'a kina'oj richin chi xtiketamaj nuwech yin Jehová. Rije' xke'ok nutinamit y yin xkinok ki-Dios, roma kan xketzolin k'a pe wik'in rik'in ronojel kánima.

⁸Roma ri Jehová kere' nubij: Achi'el ri wíkix ri janila e itzel, roma kan janila e q'ayineq man yatikir natej, keri' xtinben rik'in ri Sedequías rey richin Judá y kik'in chuqa' ri aj-raqen y ri ch'aqa' chik winaqi' ri xekanej kan pa Jerusalem, ri xek'oje' kan chupan re ruwach'ulew re' y ri ek'o chiri' pa ruwach'ulew Egipto.

⁹Kan koma k'a rije', ri winaqi' richin ri ch'aqa' chik ruwach'ulew kan xtisach kik'u'x. Chuqa' e ya'ol k'ix, kan xkeyojobex y kan xtiqaqa itzel pa kiwi' ri akuchi xkenteq-wi-el.

¹⁰Kan xtiben k'a richin xkekamisex chi espada, xkeken roma wayjal y xkeken roma yabil. Kan xkek'is k'a konojel pa ruwi' re ruwach'ulew re', ri xinya' chike rije' y chike ri kati't-kimama', xcha' ri Dios.