Read Kaqchikel Ez 15 Bible Online

Ez 15 - Kaqchikel bible

Ez 15

¹Ri Jehová xch'on chik wik'in y xubij chuwe:

²Rat Ezequiel, ¿nach'ob rat chi más rejqalen ri ruche'el ri uva chuwech ri ruq'a' xabachike che' ri ek'o pa k'echelaj?

³¿Xtikusex kami ri ruche'el-uva richin niban tz'alem chire o niban ta jun che' ri simej rutza'n y nitzeqebex ta xabachike chutza'n?

⁴Roma re' toq niya'ox pa q'aq', xa kan yek'at ri rutza'n y ri ruk'u'x xa nok qa aq'a'l. ¿K'a nik'atzin kami re' richin niban samaj rik'in?

⁵Roma toq man jani tiya'ox pa q'aq', chuqa' xa man jun samaj niban rik'in, k'a ta la' chik toq xa xk'at yan.

⁶Roma ri' ninbij chi achi'el k'a ri ruche'el-uva ri xya'ox yan pa q'aq', keri' chuqa' xkenya' pa q'aq' ri awinaq chiri' pa Jerusalem.

⁷Yin kan xkinok k'a etzelanel kichin rije'. Stape' xke'animej chuwech ri q'aq', jak'a kan k'o chik jun q'aq' ri xtik'ison kichin. Y k'ari' xtetamex chi ja yin Jehová.

⁸Y kan xtinben k'a chire ri ruwach'ulew chi xtibetole' kan, roma rije' man xkiben ta ri xinbij chike. Ja yin Jehová ri yibin, xcha'.