Read Kaqchikel Ez 35 Bible Online

Ez 35 - Kaqchikel bible

Ez 35

¹Ri Jehová xch'on chik wik'in y xubij chuwe:

²Rat Ezequiel, katzu'un kela' pa ruwach'ulew Seir,*f12* y tabij chike ri achike ri xtiqaqa pa kiwi'.

³Y jare' k'a ri rutzijol: Yin, ri Jehová, kan in yakatajineq chiwij, y xtinq'alajirisaj chiwe ri xtibanatej pan iwi'. Xtintzeqej k'a ri nuq'a' pan iwi' y xtinben jun tz'iran chire ri iruwach'ulew y xtitole' kan.

⁴Kan xkewuluwu' kan ri itinamit, y xkemalin kan. K'ari' xtiwetamaj chi ja yin Jehová.

⁵Xa kan jantape' ik'ulula'an-pe ri nutinamit Israel y rix xiya' q'ij chi rije' xech'akatej toq nikik'ul ri rutojbalil ri kimak.

⁶Jak'a yin Jehová, kan ninya' nutzij chi kan xkixinjech pa ruq'a' ri kamik y ri kamik kan xkixrutzeqelibej. Roma rix kan xe'iwetzelaj ri iwach'alal, ri kamik kan xkixrutzeqelibej.

⁷Kan xtinwulaj k'a ri iruwach'ulew y xtinben k'a tz'iran chire. Y man xtinya' ta q'ij chi ek'o ta chik winaqi' xkeq'ax chiri'.

⁸Xke'ilitej k'a kaminaqi' xabakuchi, roma xtintaluj ri ich'akul pa ruwi' juyu', kojol taq juyu' y pa taq siwan.

⁹Yin xtinben k'a chire ri iruwach'ulew richin xtitole' kan richin jantape' y kan man jun bey chik xkeyakatej-q'anej ri nima'q taq itinamit. K'ari' xtiwetamaj k'a chi ja yin Jehová.

¹⁰Rix kan xich'ob k'a chi ri ruwach'ulew Israel y ri ruwach'ulew Judá, xke'ok iwichin ri chi e ka'i' ajawaren ri'. Y stape' yin kan ink'o ri chiri', kan man xiya' ta wejqalen.

¹¹Rix kan xe'iwetzelaj, kan xiwajo' xk'oje' iwik'in ri xk'oje' kik'in rije'. Roma ri', yin Jehová kan ninya' k'a nutzij chi kan xtinya' ruk'exel chiwe. Toq yin xtinya' ri rutojbalil pan iwi', k'ari' xtretamaj ri nutinamit chi ja yin ri' ri in Jehová.

¹²K'ari' k'a xtiwetamaj rix aj-Edom chi yin Jehová xinwak'axaj chi xixch'on itzel chikij rije', roma xich'ob chi ri kiruwach'ulew rije' jachon chik chiwe richin niwichinaj.

¹³Rik'in k'a ri ich'abel kan xinimirisaj k'a iwi' y kan janila k'a itzel xixch'on chuwij. Y yin kan xinwak'axaj ronojel.

¹⁴Y roma ri' yin Jehová ri ink'o pa ruwi' ronojel, ninya' k'a nutzij chi chijun k'a ri ruwach'ulew xkekikot chiwij toq xtikak'axaj chi yin xkixink'is.

¹⁵Achi'el xixkikot rix chikij ri nuwinaq israelita toq xwulatej ronojel kichin rije', keri' chuqa' xtinben chiwe rix chi xtitole' kan ri juyu' richin Seir y chijun chuqa' ri ruwach'ulew Edom. K'ari' xtiketamaj konojel winaqi' chi ja yin Jehová, xcha'.