Read Kaqchikel Jon 2 Bible Online

Jon 2 - Kaqchikel bible

Jon 2

¹Ri Jonás toq k'o chik chupan ri ker, k'ari' xch'on-q'anej rik'in ri Jehová.

²Y kere' k'a xubij: Chupan ri nuq'axo'n xich'on awik'in rat, Jehová, y kan xinawak'axaj k'a. Toq xik'oje' chuwi' kamik xich'on awik'in, y kan xawak'axaj ri nuch'abel.

³Rat xinak'eq-qa, k'a chuxe' ri ya', y ri ya' ri nibolqo't kan xeq'axilan k'a chuwij.

⁴Yin xinna' chi xinamalij kan, y xinch'ob-qa chi man jun bey chik xkinapon chupan ri awachoch ri akuchi atk'o-wi rat.

⁵Xik'is k'a chupan ri ya' y kan yijiq' yan k'a; y xinapon k'a pa q'equ'm, y ri q'ayis kan xuxich'-ri' pa nujolon.

⁶Xinapon k'a pa siwan chire ri palou. Y ri ruwach'ulew achi'el xa ta kan xirutz'apej kan chiri' richin q'asen. Y jari' k'a toq rat Jehová nu-Dios yin, xajoyowaj nuwech y xinawelesaj-pe chupan ri siwan ri'.

⁷Toq xinna' chi nipe yan ri kamik, yin xatinkanoj, y kan xinato'. Y ri nuch'abel xapon awik'in ri akuchi atk'o-wi.

⁸Ri yetzeqeliben kichin ch'aqa' chik dios ri man jun kejqalen, xa niketzelaj k'a kan ri awutzil y ri ajoyowanik rat.

⁹Jak'a yin kan rik'in k'a bixanik xkimatioxin, y xtinsuj kamelabel chawe y xtinben ri nujikiban-pe chawe. Roma kan awik'in rat, Jehová, peteneq-wi ri kolotajik, xcha' ri Jonás.

¹⁰Y ri Jehová xuteq k'a el ri ker chi xberuxa' kan ri Jonás chuchi' ri palou.