Read Kaqchikel Núm 2 Bible Online

Núm 2 - Kaqchikel bible

Núm 2

¹Ri Jehová xch'on k'a kik'in ri Moisés y ri Aarón y xubij:

²Ri winaqi' richin ri tinamit Israel, kan pa rusutilen ri wachoch ri richin molojri'il yek'oje-wi y nej k'a juba' k'o chi yek'oje-wi-el. Chikijujunal k'o chi yek'oje' ri akuchi nik'oje-wi ri tzieq retal ruk'exewach ri kitzobaj.

³Ri pa relebel-q'ij chire ri wachoch chiri' xkek'oje-wi konojel winaqi' richin ri rutzobaj ri Judá rik'in ri tzieq ri ruk'exewach ri kitzobaj. Ri aj-raqen pa kiwi' rije' ja ri Nahasón ruk'ajol ri Aminadab.

⁴Y ri kajlabal ri aj-labal chikikojol rije' e 74,600.

⁵Chikixikin rije' xkek'oje' ri tzobaj richin ri Isacar. Y ri aj-raqen pa kiwi', ja ri Natanael ruk'ajol ri Suar.

⁶Y ri kajlabal ri aj-labal chikikojol rije' e 54,400.

⁷Y chikixikin chik ri tzobaj richin ri Judá xkek'oje-apo ri tzobaj richin ri Zabulón. Y ri aj-raqen ri k'o pa kiwi', ja ri Eliab ruk'ajol kan ri Helón.

⁸Y ri kajlabal ri aj-labal chikikojol rije' e 57,400.

⁹Keri' konojel k'a ri aj-labal ri kik'uan-ki' rik'in ri tzobaj richin ri Judá ek'o k'a e 186,400. Jare' ri xke'ik'o nabey chuwech ri tinamit Israel toq k'o chi yixel-el.

¹⁰Ri pa xokon chire ri wachoch, chiri' xkek'oje-wi konojel ri winaqi' ri xketzeqeliben ri tzieq ruk'exewach ri tzobaj richin ri Rubén. Ri aj-raqen ri k'o pa kiwi' ri rutzobaj ri Rubén, ja ri Elisur ruk'ajol ri Sedeúr.

¹¹Y ri kajlabal ri aj-labal chikikojol rije' e 46,500.

¹²Y chikixikin rije' xkek'oje' ri tzobaj richin ri Simeón. Y ri aj-raqen pa kiwi' rije', ja ri Selumiel ruk'ajol ri Surisadai.

¹³Y ri kajlabal ri aj-labal chikikojol rije' e 59,300.

¹⁴Y chikixikin chik ri tzobaj richin ri Rubén xkek'oje' ri tzobaj richin ri Gad. Y ri aj-raqen pa kiwi', ja ri Eliasaf ruk'ajol ri Reuel.

¹⁵Ri kajlabal ri aj-labal chikikojol rije' e 45,650.

¹⁶Konojel k'a ri aj-labal ri kik'uan-ki' rik'in ri tzobaj richin ri Rubén ek'o e 151,450. Ja tzobaj re' ri xkebe pa ruka'n toq k'o chi yixel-el.

¹⁷Y chikij ri ye'el-el pa ruka'n, k'ari' nibe ri wachoch richin molojri'il uk'uan-el koma ri levita y ri kitzobaj. Toq rix yixk'olon-el, chijun ri tinamit k'o chi yebiyin rik'in re ruchojmilal re' chirij ri tzieq ri ruk'exewach ri tzobaj, y toq yixapon ri akuchi yixk'oje-wi-qa, k'o chi ninuk'-qa-iwi'.

¹⁸Ri pa qajbel-q'ij chire ri wachoch, chiri' xkek'oje-wi konojel ri winaqi' ri xketzeqeliben ri tzieq ri ruk'exewach ri rutzobaj ri Efraín. Ri aj-raqen pa kiwi', ja ri Elisamá ruk'ajol ri Amihud.

¹⁹Y ri kajlabal ri aj-labal chikikojol rije' e 40,500.

²⁰Y chikixikin chik rije' xkek'oje' ri tzobaj richin ri Manasés. Y ri aj-raqen pa kiwi' rije' ja ri Gamaliel ruk'ajol ri Pedasur.

²¹Y ri kajlabal ri aj-labal chikikojol rije' e 32,200.

²²Y chuqa' chuxikin chik ri tzobaj richin ri Efraín, chiri' xtik'oje-wi ri tzobaj richin ri Benjamín. Y ri aj-raqen pa kiwi' rije' ja ri Abidán ruk'ajol ri Guidoní.

²³Y ri kajlabal ri aj-labal chikikojol rije' e 35,400.

²⁴Konojel k'a ri aj-labal ri kik'uan-ki' rik'in ri tzobaj richin Efraín ek'o e 108,100. Jare' ri xkebe chirij ri wachoch toq k'o chi yixel-el.

²⁵Ri pa xaman chire ri wachoch, chiri' xkek'oje' ri konojel ri winaqi' ri xketzeqeliben ri tzieq ri ruk'exewach ri rutzobaj ri Dan. Ri aj-raqen pa kiwi', ja ri Ahiézer ruk'ajol ri Amisadai.

²⁶Y ri kajlabal ri aj-labal chikikojol rije' e 62,700.

²⁷Y chikixikin chik rije' xkek'oje' ri tzobaj richin ri Aser. Y ri aj-raqen pa kiwi' rije', ja ri Paguiel ruk'ajol ri Ocrán.

²⁸Y ri kajlabal ri aj-labal chikikojol rije' e 41,500.

²⁹Y chikixikin chik rije' xkek'oje' ri tzobaj richin ri Neftalí. Y ri aj-raqen pa kiwi' rije' ja ri Ahirá ruk'ajol ri Enán.

³⁰Y ri kajlabal ri aj-labal chikikojol rije' e 53,400.

³¹Konojel k'a ri aj-labal ri kik'uan-ki' rik'in ri rutzobaj ri Dan ek'o e 157,600. Jare' ri xkebe pa ruk'isibel chiwe rix toq k'o chi yixel-el y kan itzeqeliben-el ri tzieq ri ruk'exewach ri itzobaj, xcha' ri Jehová.

³²Ja konojel achi'a' re' ri xe'ajlex richin ri tinamit Israel, achi'el ri kach'alal-ki'. Chijun ri kajlabal ri aj-labal ek'o e 603,550.

³³Jak'a ri tzobaj richin ri Leví man xtz'ibex ta kibi' y man xe'ajlex ta chuqa', achi'el ri xban kik'in ri ch'aqa' chik tzobaj, roma ri Jehová kan keri' k'a ri rubin chire ri Moisés.

³⁴Y ri winaqi' richin ri tinamit Israel xkitaqej k'a ri ch'abel richin ri Moisés ri bin chire roma ri Jehová. Roma ri' toq xek'olon-el, xebe pa tzobaj achi'el ri kach'alal-ki'. Y toq xe'apon ri akuchi yek'oje-wi-qa, xek'oje' pa taq kitzobaj, chunaqaj ri tzieq ri ruk'exewach ri kitzobaj.