Read Kaqchikel Hab 3 Bible Online

Hab 3 - Kaqchikel bible

Hab 3

¹Yin xich'on chik rik'in ri Jehová y kere' xinbij:*f1*

²Nimalej Jehová, yin kan xinwak'axaj k'a ronojel ri nima'q taq abanobal, y kan xink'en akiy. Nimalej Jehová, tak'utu' chik k'a ri nimalej awuchuq'a' chiqakojol roj. Kan tak'utu' chik k'a chiqawech roj re ojk'o re q'ij re' ri nima'q taq banobel ri xe'aben ri ojer kan. Tabana' utzil chi chupan ri awoyowal xtajoyowaj ta qawech.

³Ri ojer, ri Dios kan xel-pe pa tinamit Temán. Ri Loq'olej qa-Dios xel k'a pe pa ruwi' ri juyu' Parán. Ri ruruwaq'ijaj kan xunojisaj k'a ruwech ri kaj; chijun ri ruwach'ulew xnoj rik'in bix chire rija'.

⁴Ri Jehová kan nich'ich'an k'a toq xpe, achi'el niyik'lun ri q'ij toq niseqer-pe. Ri pa taq ruq'a' kan ye'el k'a ruch'ab ri saqil ri kan yech'ich'an, richin nrewaj ri uchuq'a' ri k'o rik'in.

⁵Chuwech rija' ik'owineq-pe nimalej taq yabil Y toq rija' niq'ax, yerukamisaj kan ri winaqi'.

⁶Toq ri Jehová nipa'e-qa juba', ri ruwach'ulew kan nisilon. Xaxe nutzu', kan nuben chike ri winaqi' chi yek'ark'ot. Ri ojer taq juyu' kan yek'is chuwech rija'. Ri ojer taq ruwi' juyu' xa kan yewuluwu' k'a qa. Jak'a ri bey richin ri Jehová, ri' kan richin q'asen.

⁷Yin xintz'et k'a chi ri winaqi' aj-Cusán kan janila xkixibij-ki', y ri winaqi' aj-Madián kan xek'ark'ot.

⁸Nimalej Jehová, ¿kan niyakatej chuqa' awoyowal chikij ri raqen taq ya'? ¿Kan nipe chuqa' awoyowal chikij ri palou?*f2* Rat xape pa ruwi' ri sutz' richin yojakol, ri sutz' kan e achi'el kiej o carruaje xaben chike.

⁹Ri rute-ach'ab kan anaban chik richin yak'aqon, y kan anaban chik k'a ronojel ri ach'ab. Rik'in ri raqen taq ya' kan xe'ajaqala-qa ri ruwach'ulew.

¹⁰Toq ri juyu' xatkitz'et, kan xkixibij-ki'. Xq'ax k'a ri nimalej raqen-ya' richin ri job. Ri palou kan niwajin k'a, rokik ri ya' nibolqo't y rik'in uchuq'a' nipa'e' chikaj.

¹¹Ri q'ij y ri ik' kan jun k'a xek'oje-wi, y kan man xetikir ta k'a xesilon-el roma ri asaqil rat. Kan man xesaqirisan ta roma nirepelun ri akum.

¹²Rik'in ri awoyowal xaq'ax pa ruwi' ri ruwach'ulew; kan xe'axeq' kan ri winaqi' richin ri ruwach'ulew roma ri awoyowal.

¹³Xaben ronojel re' richin xojakol roj; kan xojakol roma kan oj acha'on. Kan xawelesaj k'a ruk'aslen ri aj-raqen pa kiwi' ri e banoy taq etzelal. Kan xe'ak'is ri e tzeqelibeyon richin rija'.

¹⁴Xe'akamisaj ri e aj-raqen ri' rik'in ri kich'ab rije'; toq ri aj-labal xeyakatej chiqij, toq ri kinimirisan-ki' xeyakatej chikij ri man jun k'o kik'in, stape' rije' xa kewan-ki'.

¹⁵Xabiyin k'a pa ruwi' ri palou, achi'el xa ta at ch'okol-el chirij jun kiej.

¹⁶Rik'in ronojel re xinwak'axaj yin, kan xink'en janila rukiy. Ri nuchi' kan nik'ark'ot; ri nuch'akul kan xelawalo-qa roma kan janila xinxibij-wi'. Jak'a yin kan woyoben rik'in ch'uch'ujil ri q'ij toq xtiqaqa ruk'ayewal pa kiwi' ri winaqi' aj-Babilonia.

¹⁷Yin kan xkikikot k'a rik'in ri Jehová, kan xkinimaq'ijun k'a rik'in ri Dios ri nukolonel; stape' ta ri ruche'el wíkix man ta chik niwachin, ni ri juwi-uva man ta chik nuya' ruwech, ni ri aceite richin ri olivo maneq ta chik; stape' kan man niwachin ta chik ri ruwach'ulew, y kan e maneq ta chik ri kokoj y nima'q taq awej.

¹⁹Ri Jehová ri wajaw nuya' wuchuq'a'. Rija' kan nuben k'a chire ri waqen chi kan achi'el kaqen ri masat ri man yekos ta. Y rija' kan yiruto' richin yipa'e' pa kiwi' ri juyu'.