Read Karaja Matthäus 1 Bible Online

Matthäus 1 - Karaja bible

Matthäus 1

¹ <font color=teal>Deuxu Rybe Wihikỹ Tỹmyra, Mateu Tyyritidỹỹdu</font>Kaheka Jesuisi Kristu labiehekỹ rare. Juhuu tahe Abraõ heka Davi labiehekỹ rare. Iribi tahe Davi heka Jesuisi Kristu labiehekỹ rare.

²Ibutumy ilabiebohonimy arelyykre. Juhuu tybynimy arelyykre idi iriòrenimy: Abraõ, Ijai, Ijaò,

³Juda, Peresi, (Peresi seriòre tahe Zera inire. Isereny tahe Tamara inire.) Esraõ,

⁴Araõ, Aminadabe, Nasaõ, Salmaõ,

⁵Boasi, (Raabe, Boasise rare.) Obede, Rute, Ijese, Kie.

⁶Davi hãwyy heka Uria hãwyy juhuu raremyhỹ. Iribi Davi‑wana roire. Salomaõ iriòre rare. Tii heka Roaboaõ tyby rare.

⁷Idi Abia reare.

⁸Idi Asa, Josafa, Joraõ,

⁹Uzia, Jòtaõ, Aka, Ezekia,

¹⁰Ezekia, Manase, Amo,

¹¹Josia, Jekonia, taseriòre‑wana.

¹²Babilonia‑ribi rohonyreu tahe tiiboho reare, Jekonia riòre wahe: Salatieli (Tii Babilonia‑ki reare.) Zorobabe,

¹³Abiude, Eliaki, Azo,

¹⁴Sadòki, Aki, Eliude,

¹⁵Eliaza, Matỹ, Ijaò,

¹⁶Ijaò tahe Jyje tyby rare, Jyje tahe Marie hãbu. Jesuisi tahe Kristu Deuxu deòdỹỹna rare.

¹⁷Kia labiehekỹ sõwe tahe 14my rare, Abraõ‑ribi Davi‑ò wahe. Tule labieboho 14my rasõwerenyre Davi‑ribi Babilonia hãwã‑ò ridyreny ixideewimy aõkõ ròte‑ò. Ixyby 14my rasõwerenyre. Iribi tahe Jesuisi reare.

¹⁸Kawese heka Jesuisi Kristu reare. Juhuu Marie Jyje‑wana roikremy rare. Tii ijadòmaule tahe Deuxu Tyytybytyhy ribòtònyre.

¹⁹Jyje hãbu òbiti rare. Tai tahe riixãwididỹỹnykemy rõhõtinyre. Kia õmo‑ò rarybeõlere tuu.

²⁰Kiau ỹju tamy rarybere tarasina‑ki: —Jyje, Davi riòre riòre. Ahãwyy, Marie, biteònyõke. Tuu bexihãwyynykre. Iriòre dori Deuxu Tyytybytyhy riòre rare.

²¹Jesuisimy raninykre. Kiani tahe irybereny rare: tarasadu. Ibutumy iny dori iòraruna‑ribi ritakre.

²²Iwese Deuxu rybe ihetxiu rarybere wese tahe tii wiji riwinyre. Kia wese ihetxiu rybe rare:

²³<PI>—Ijadòma rabòtònykre. Iriòreni heka Emanueli rarekre.<CL>Kiani tahe irybe‑ki kia rare: <PI>Deuxu iny‑wana ratxireri.

²⁴Iribi tahe Jyje dexixade tarasina‑ribi. Iwese Inynyrỹreny tuu tamy rarybere wesemy heka tii riwinyre. Tii‑wana ratxiõre. Tii aõhe risỹnyõre.

²⁵Uladu reare xiery tii aõhe rira. Tamy niõ riwahinyre, Jesuisi wahe.