Read Karaja Offenbarung 8 Bible Online

Offenbarung 8 - Karaja bible

Offenbarung 8

¹Budoeni riòre debò inatxi reurò hãletenamy ribòhònyreu, aõdee biu‑ki roholaõhyyre heka byy, myle roire: aõwodỹỹ wodỹỹhomy aõkõ. Wadee meia hora txumy bedemy bede rewyre.

²Debò inatxi reurò ỹjumy tuu rabire Deuxuko‑ki nyidemy. Tahe inyõ tamy riõremy idi retehere debò inatxi reurò ajurònamy.

³(3-4) Tahe iwitxira ỹju nade. Tii womati tỹrỹrỹhỹkỹ atara nihikỹ. Tahe xiwenatyre orarade rỹny wihikỹ ritoonyre. Inyõ riwahinyre ỹju‑dee sõwemy. Riurinykemy Deuxu ijoi ixitòedỹỹna‑wana xiwenatyre‑ò risõkemy aderòna rỹnyrehekỹ heka womati tỹrỹrỹ xiwenatyre‑ki ritxiwire Deuxu rynanako‑txi. Ỹju iribi tahe kia ibutumy raòwònyre Deuxu‑ò.

⁵Tahe heòty‑di heka ỹju atara ritỹxinyra idi heòty‑di rehure biu‑ribi bede‑ò. Tai tahe biumytxi ramytxynihikỹnyre heka suu biu tawe rihetenyre rybe wese wodỹỹ ramytatare.

⁶Tahe debò inatxi reurò ỹjumy heka rexiywinymy rỹire ajuròna‑di jurònykremy.

⁷Juhu ỹju heka rurònyre. Iribi tahe bedejutytyhykỹ heòty hãlubu‑wana raurinymy bede‑ò rejuxunyre. Bedejura tahe roomyhỹ asirade, bedero‑wana inataõ‑ribi, sohoji roomyhỹ.

⁸(8-9) Iribi ihewoludu txuròna‑di rurònyre. Tahe berahakỹ‑ò resere hãwãlò nihikỹ wesemy. Tai ibutumy heòtylawò txuramy ituere. Iyre bee tahe hãlubuhukỹlemy relere. Iyre utura tahe ituere.

¹⁰Tahe ihewoluduhe txuròna‑di rurònyre. Iribi tahe tainahakỹõ berohokỹyre‑txi resere berayre‑txi tule.

¹¹Tainahakỹ heka ihyre inire. Tahe sõwemy iny ituere ihyre bee riurinyreki.

¹²Tahe ihewotyhy tyaludu txuròna‑di rurònyre. Tahe aõwesele txutyemy txuu roosòõhyyre. Tahe ahãdu tawekremy turutyhy inihe relere taina tule. Tahe bederurunytyhyre heka.

¹³Tahe idi retehemy jiarỹ rãiwãhã. Tahe tuu rabire nawii nihikỹõ ruòmy ratxireriõ. Tii iryru‑di heka rarybemyhỹ: —Bede heka rabinakre. Bede heka rabinakre. Suludu bede iny‑ò ryrymyhỹ: —Txioinihe sõwemy aõbina binahakỹ rexiòtỹmyranykre. Tahe hewotyhyludu ỹju txuròna‑di kudurònykreu heka bede rabinatyhykre.