Read Karang Mbete Luk 3 Bible Online

Mbete Luk 3 - Karang bible

Mbete Luk 3

¹Sezar Tiber mbay a luki lak mbay mbihmbam boh falu ndiɓi. Ké ɓil mbihmbam a boh falu ndiɓi-u mí Ponsi Pilaɗ ɓa guvener ye ké tusiɓa Zude. Eroɗ ɓa ŋgermbay gun Izarayeri ké Galile tusiɓa ziɓri. Yi̧n ye Filiɓ ɓa ŋgermbay ké tusiɓa Iture ke Tarakonik. Lisiyas ɓa ŋgermbay ké tusiɓa Abilen.

²Anasi ke Kayif ɓa ŋgernzuk nzuk fe puhna Ŋgerzahri[10]. Ke sew Anasi ke Kayif dale, Za̧h gun Zakari ba, ƴo ɓil lawkɔr, mí ɓay Ŋgerzah gi ƴo tul Za̧h.

³Za̧h ti̧h ké puhri ke ɓel mahmbih Zurdeŋ gbam. Ke ƴo ka-kah ɓay batem a mbilaw, kú mbi law woyri ké tul suya ma fal el kan law tul Ŋgerzah ɓay hi̧ salɓay suya ɓá lu ké tul woyri.

⁴Za̧h ka-kah ɓay kandɔk mbete vbehna Ezay gun nzak pihna Ŋgerzah a lewsa̧ ɓah ɓayu ɓahri : Kusol nzuk mgbe ɓil lawkɔr ɓahri, í lek wuri mahful geŋ Miƴori. Í lek wuri fulu ɓá ndar kparak kparak.

⁵Goɗori ɓá mbar mah hani gba̧y gba̧y. Kasawri ke kpar-ri ɓá dir ku̧ fi̧hriri. Ful a ra̧h-u ɓá ndar kparak kparak. Gel ké na goɗoŋ goɗoŋ ɓá na ru̧y ru̧y.

⁶Nzuk a suŋ suŋ gbam ɓay ko sa̧w-ya̧ ni ké Ŋgerzah hi̧ ɓay ké ti̧h ke ndɔk hul [11].

⁷Kaŋ mí Za̧h ƴo hi̧ daɓa nzukri ti̧h ɓil batem a mbih. Ke ƴo ɓah hi̧ niri ɓahri : « A woiri, mi̧hri soy[12], a ge mí sɔk wuri í ɗuk haŋ fa̧hna Ŋgerzah ké ƴo gina le ?

⁸Í hi̧ mi̧hri mbilaw woiri ké i ruh ɓá ti̧h, ɓá leh lehna siŋ sina a suki ké mah ke kanlaw tul Ŋgerzah. Í yȩkre kerɓay yá̧ mun woiri ke riŋ ziih Abaraham. Mi ƴo ɓah hi̧ wuri ɓahri se, Ŋgerzah ƴo ke ŋgerna-sɔɓ kasawri-aw ti̧h ɓa gun zih Abaraham.

⁹Tena ƴo ɗih ya ké sa̧w kpuh ɓay te-u wara. Kpuh a suŋ suŋ gbam ké leh lehna a suki ya dale, ke ɓay te ku̧ ɓil hɔrɔ. »

¹⁰Nzukri ƴo vbi ni ɓay ɓahri : « Mí-aw ba, náh laɓ ani le ? »

¹¹Ke yih nzak woyri ɓahri : « Nzuk ƴo ke gar seɗe le, ké kehr mbew hi̧ nzuk ké ta keni ya. Nzuk ƴo ke fe su̧na le, ké laɓ mah hani pi. »

¹²Nzuk-mbu̧h lampohri kara gi ƴo hi̧ Za̧h soh niri mbih batem, mí ku vbi ni ɓahri : « Ŋgernzuk, a wah ba, náh laɓ ani le ? »

¹³Mí ke el ɓah hi̧ niri ɓahri : « Suy lari ké mbay tusiɓa kuŋ ra, í laɓ a ɓoru ku̧ ri ya. »

¹⁴Sozeri kara ƴo vbi ni ɓahri : « A wah ba, náh laɓ ani le ? » Ke ɓah hi̧ niri ɓahri : « Í gɔɓrɔ nzukri ya. Í kuŋ ɓay kan nzak nzuk ya. Í kaɓ ke law rihna ké tul lari pihna woiri. »

¹⁵Nzukri geŋ Ŋgermbay ké Ŋgerzah wahɓay pih-u lewsa̧, mí ku ker ɓahri se, Za̧h-ay ra wa ɓa Ŋgermbay le ?

¹⁶Mí Za̧h yih vbiɓay woyri kandɔkay : « A bi le, mi hi̧ wuri ti̧h ɓil batem a mbih, mí nzuk a luki ƴo gina. Ŋgerna ye mba tul bi mba-mba. Ɗíŋ tul ɓay sel sal sabɔk ye kara mi mah ya. A ye mí ke ɓay hi̧ wuri ti̧h ɓil batem a Tempuki ké ɓa batem a hɔrɔ.

¹⁷Ŋgoro-zo naŋ[13] na ndɔk ye ɓay kehr keni mbu̧y naŋ ke ti̧hri naŋ. Ke fá̧h ti̧hri naŋ ku̧ ɓil pul. Mbu̧y naŋ ba, ke ɓay nzuh ke hɔrɔ ké ri-rimna ya. »

¹⁸Za̧h hew gun Izarayelri-aw ke ɓayri ŋgi̧-ŋgi̧. Ke ƴo ka-kah ɓaysuki gina Ŋgermbay hi̧ niri.

¹⁹Eroɗ mbay a ŋgeru ra, ke ya̧ Herodiya wu̧y yi̧n ye ké ƴo ke nun ɓáy, mí Za̧h tuŋ ni ke ɓayu. Ke tuŋ ni ke ɓay fe laɓna pipiri-u a ɓoruri ké Eroɗ laɓ gbam pi.

²⁰Mí Eroɗ el laɓ fe a pipiri-u dɔm tul fe laɓna a pipiri-u yeri-aw ɓáy. Ke mgba Za̧h mbih ɓil vul mgbal.

²¹Sewu ké Za̧h ƴo hi̧ nzukri ti̧h ɓil batem a mbih, Zezu ti̧h ɓil batemu pi. Ti̧hna ye, ke goŋ Ŋgerzah, mí nunmbam mgbur,

²²Tempuki ɗer gi kaɓ tul ye ke mun ké eŋ mbɔre, mí kusol ti̧h ke nunmbam ɓahri : « A wo mú-u ɓa gun sana bi. Law bi na sa tul wo. »

²³Zezu titil pihna. Mbihmbam ye laɓ bon say. Nzukri tu ni ɓa gun Zezeɓ, Zezeɓ ɓa gun Eli.

²⁴Eli ɓa gun Mataɗ, Mataɗ ɓa gun Levi, Levi ɓa gun Malki, Malki ɓa gun Zanay, Zanay ɓa gun Zezeɓ.

²⁵Zezeɓ ɓa gun Matatiya, Matatiya ɓa gun Amos, Amos ɓa gun Nahum, Nahum ɓa gun Hesili, Hesili ɓa gun Nagay, Nagay ɓa gun Maɗ.

²⁶Maɗ ɓa gun Matatiya, Matatiya ɓa gun Semen, Semen ɓa gun Zesek, Zesek ɓa gun Zoda.

²⁷Zoda ɓa gun Zohanan, Zohanan ɓa gun Resa, Resa ɓa gun Zorobabel, Zorobabel ɓa gun Salatiyel, Salatiyel ɓa gun Neri, Neri ɓa gun Malki.

²⁸Malki ɓa gun Adi, Adi ɓa gun Kosam, Kosam ɓa gun Elmadam, Elmadam ɓa gun Er, Er ɓa gun Yesuwa.

²⁹Yesuwa ɓa gun Eliyazer, Eliyazer ɓa gun Zorim, Zorim ɓa gun Mataɗ, Mataɗ ɓa gun Levi, Levi ɓa gun Simiyoŋ.

³⁰Simiyoŋ ɓa gun Zuda, Zuda ɓa gun Zezeɓ, Zezeɓ ɓa gun Zonam, Zonam ɓa gun Eliyakim, Eliyakim ɓa gun Meleya.

³¹Meleya ɓa gun Mena, Mena ɓa gun Matata, Matata ɓa gun Natan, Natan ɓa gun Daviɗ, Daviɗ ɓa gun Zeseh.

³²Zeseh ɓa gun Obeɗ, Obeɗ ɓa gun Bowaz, Bowaz ɓa gun Sala[14], Sala ɓa gun Nasoŋ.

³³Nasoŋ ɓa gun Aminadaɓ, Aminadaɓ ɓa gun Aɗmin, Aɗmin ɓa gun Arni, Arni ɓa gun Heserom, Heserom ɓa gun Peres, Peres ɓa gun Zuda.

³⁴Zuda ɓa gun Zakoɓ, Zakoɓ ɓa gun Isak, Isak ɓa gun Abaraham, Abaraham ɓa gun Tera, Tera ɓa gun Nahɔr.

³⁵Nahɔr ɓa gun Seruk, Seruk ɓa gun Ragu, Ragu ɓa gun Pelek, Pelek ɓa gun Ebere, Ebere ɓa gun Sala.

³⁶Sala ɓa gun Kenaŋ, Kenaŋ ɓa gun Arfazaɗ, Arfazaɗ ɓa gun Sem, Sem ɓa gun Nuwe, Nuwe ɓa gun Lamek.

³⁷Lamek ɓa gun Matusala, Matusala ɓa gun Hanok, Hanok ɓa gun Yaraɗ, Yaraɗ ɓa gun Mahalale, Mahalale ɓa gun Kenaŋ.

³⁸Kenaŋ ɓa gun Enos, Enos ɓa gun Seɗ, Seɗ ɓa gun Adam, Adam ɓa gun Ŋgerzah.