Read Karbi KECHENG 15 Bible Online

KECHENG 15 - Karbi bible

KECHENG 15

¹Laso aphi, Abram isi thek-long-lo, lapen alangliphan HEMPHU kepu ase arjulong-lo, “Phereri, Abram, Nangphan Ne kedo-an akesung pen khang thipji lapen nangphan isi thedung anong-e nangpiji.”

²Bonta Abram thak-lo, “Keklem-un a-HEMPHU, nangli nong-e neliphan kopi akeme akam klempo, athema nelisomar ave? Nelipoton ke Damaskas a-Eliezer anchot-lo.

³Nangli neliphan inutnat ta oso nang nepipe det-lo, lapen neliban atum angbong inut abang nelikhi chepahemphupo.”

⁴Anke HEMPHU alangliphan puthot kepu ase arjulong-lo: La nangban ke nangkhi chepahemphu-phelo; nangso apok si nangpoton plangpo.

⁵HEMPHU alangliphan ingtan pondetsi pulo, “Sining anat langtha lapen chiklolongso kelakhaji bor-i-tha; lasonthotsi nangso-nangsu dopo.”

⁶HEMPHU aphan Abram chikilo, lapen laso apotsi alangliphan HEMPHU aningdok-lo, lapen laphan deng-lo.

⁷Anke laphan HEMPHU pulo, “Ne ke HEMPHU lo, Bebilon adet Ur pen Nesi nangphan nangkeja abang-lo, laso alongle nangphan nangkepiji aphanlo, nangmethang aphan.”

⁸Bonta Abram arjulo, “Keklem un a-HEMPHU, la nelimar plangpo pu neli kopusonsi chinipo?”

⁹Alangli thak-lo, “Chainong ejon, bi ejon, lapen biresak aloso ejon, ajontin ta ningkan kethom arta, Nelong van non, lapen vothung lapen vothung animso ejon ta van non.”

¹⁰Arnam anat pi-heihei Abram vanlo, lahei achitim thatpetsi abengtin bi parlin si ren ni bilo; bonta alangli vothung that-the det-lo.

¹¹Takun nanghirlo pi athak, bonta Abram phlungjuilo.

¹²Arnikangsam ahut, Abram amek jang-lot-lo, lapen alangli kephere kethirik dolo.

¹³Alangliphan HEMPHU pulo, “Nangso-nangsu atum bang adet donangpo; lapen latum hadak ban donangpo, lapen latum aphan ningkan 400 chenek-otpo.

¹⁴Bonta latum aphan ban ke-en adet aphan ne aduk piji lapen latum halaso bang adet ke-o ahut latum ongdung akhi chepon longpo.

¹⁵Nangmethang amat ta sar pame longji, ning ingsamjin pen thilongji, lapen chepip longji.

¹⁶Ladak nangsomar atum kevangji aphrang ovephli plangji, pima Amor atum hingnopik pen aduk kepinangji an plangpletik Ne latum aphan phlungphle.”

¹⁷Arnikangsam lapen la kangtingkuk ahut isi mehi kethurmon aphule lapen amede menmen nangklang-lo lapen pi athan-heihei angbong damlo.

¹⁸Anke hadak Abram pen HEMPHU kechejok aloh chepathik lo. Alangli pulo, “Ijip ahoi pen ha Euphratis Aroi an nangso-nangsu aphan Ne kepiji aphan chechak-lo.

¹⁹Ken atum, Keniz atum Kadmon atum,

²⁰Hitti atum Perizzi atum, Rephaim atum,

²¹Amor atum, Kanaan atum, Girgashi, lapen Jebusi atum alongle anta parlopon-etpo.”