Read Karbi KECHENG 32 Bible Online

KECHENG 32 - Karbi bible

KECHENG 32

¹Jakob amethang atovar chedambom ahut, ajehak apherangke chetong-lo.

²Alangli latum aphan kethek-long ahut, la pulo, “La ke Arnam amukamlo;” lasi la laso adim amen Mahanaim irlo.

³Edom adet a-ik Iso anat pherangke atum aphan Jakob toilo.

⁴Halatum aphan alangli paputoilo: “Ne, Jakob, nangphan kekroi aban, nehemphu Iso aphan kepachini alam lahelo, ne Laban alongsi penang arni dodunlo, lapen non anta ne nanglong kevang nang inglentang-lo,

⁵Ne, chainong, gadha, biresak, bi, lapen ban atum chepahemphulo, Ne nangphan lam ithe nangpen ningkethe kangjinso kelongjisi nangkarjulo akehai.”

⁶Pherangke atum Jakob along nanglesi latum pulo, “Nelitum nangli ik Iso along damlo, lapen alangli nangliphan kechetongjisi tovar vangbomlo. Alanglilong bang 400 amonit nangdunlo.”

⁷Jakob phereduk-lo, lapen ningrilo. La alanglilong kedo amonit lapen la abiresak, abi, achainong, lapen aka-ut anta pasongni thakdak-lo.

⁸Alangli mathalo, “Iso jongsi vang-ra aphrang si asong aphan tengkheng lote, asong kaprek abang jokpo.”

⁹Anke Jakob ardomlo, “Nephu Abraham a-Arnam, lapen nepo, a-Arnam, ne kardom arjutha! Nang nephan pulo, HEMPHU, nedet methang, lapen nedon-nerap along chedamnon, lapen nephan kadokave ason ta mesenpo.

¹⁰Nangban aphan nangkanghon lapen nangkangjiso kepaklang ne kedengji thangnat a-ot ave. Thangnat avepin bonta chin isinat pen ne Jordan hatpet-lo, lapen non ne la songni pen vang-lo.

¹¹Nephan nepajoknon, ne nang ardomlo, ne ik Iso arideng pen. Ne pherelo, kephere ke netum aphan nang-tengkhengdet na pu, lapen netum kadokave, arloso, lapen osomar atum aphan an ta pavir-et na pu.

¹²Nang kechechak alam chematha tha, nephan kadokave ason ta mesenji pu lapen nephan neso-nesu nangkepiji pu alam, badu ta lakha un-e pin talo akung asangtimili amu an sose.”

¹³Hadak ajo pangthang si, a-ik Iso aphan dan kepiji si pi ahur angbong pen ingvailo;

¹⁴bi api jon 200 lapen alo jon 20, biresak api jon 200 lapen alo jon 20, lapen jon 30 chulang kedo aka-ut, lapen latum asomar atum,

¹⁵jon 40 achainong api, lapen alo jon 10, lapen gadha api jon 20, lapen alo jon 10.

¹⁶Alangli lahei isi si ahur padolo, lapen aban atum angbong pen inut inut aphan la asong tin pachehemphuji aphan arpu pilo. Halatum aphan alangli pulo, “Nephrang dambomnon, lapen ahur tin adak bi tu, lapen isi abang paphi muchotnon.”

¹⁷Aphrangsi aban aphan alangli hukumpilo, “Ne ik Iso, nangchetong pen nanghemphu komat-lo? Pu nang arjulote lapen Nangtum konatsi kedampo? Lahei nangphrang kedo api ahur komatsi chepahemphulo?”

¹⁸Nangthakvek nangji, “Lahei ke nangliban, Jakob amarlo. Lahei alangli hemphu Iso aphan dan kepajirjisi alangli netoilo. Jakob amethang ke nelitum aphi si kedo.”

¹⁹Adun aban aphan ta alangli isinat ahukum si pilo, lapen phai kethom aban aphan ta, lapen pi ahur kechepahemphu abangphutin aphan ta: “Iso aphan nangtum chetong lote laphan lasonle punon.

²⁰Nangtum pu nangpo, ‘Nangliban Jakob ke nelitum aphichot si dolo.’” Jakob mathalo, “Dan-heihei pen ajok laphan ne hai-unpo, lapen ne la pen kechetong ahut, la nephan nediya det tahai.”

²¹Dan-heihei alangli phrang si lodunlo, lapen halaso aningve mukam along alangli dolo.

²²Halaso aningve amat Jakob mekprangdak-lo, lapen apiso banghini la en-pangtar apiso banghini, lapen la asomar bangkre-isi ponlo, lapen Jabbok Alangroi hatpet-lo.

²³Latum aphan alangli parai thon dundet aphi, alangli alangli kechepahemphu amar an ta parai thondun et-lo,

²⁴bonta alangli inutpet dokok-lo.

²⁵Kechemarkot hai-un-e chethek-longsi laso amonit Jakob akengtham achobak ot-lo, lapen kechemarkot ahut akengtham achobak pachelitphlot-lo.

²⁶Monit bangpo pulo, “Nephan nepadam longnon, pima the-angtang-lo.” Nephan nangli hirjume nepipe tik neli nang-o-e, Jakob thak-lo

²⁷“Nangmen kopi?” Bangpo arjulo. “Jakob, “ alangli thak-lo.

²⁸Bangpo pulo, “Nangmen Jakob pu kalilo. Nang Arnam pen lapen monit pen chemarkot-tang-lo, lapen nang haidet-lo; lasi nangmen ke Israel pupo.”

²⁹Jakob pulo, “Non neliphan nanglimen nangchethan non.” Alangli thak-lo, “Nang kopisi nemen kechini nangpo?” Anke alangli Jakob aphan ahirjume pilo.

³⁰Jakob pulo, “Ne Arnam aphan nemek hini pen thek-long-lo, lapen neli reng-et-lang;” lasi alangli halaso adim amen Peniel pusi rilo.

³¹Arni vang-lo lapen Jakob Peniel otekang-lo, lapen akentham arrepi kechelit apot kengkokjok-lo.

³²Lasi pini arni anta Israel aso atum kengtham asek a-artho a-ok choche, pima laso akechechu alongsi Jakob aphan ot-lo.