Read Karbi KECHENG 5 Bible Online

KECHENG 5 - Karbi bible

KECHENG 5

¹Adam a-ove-heihei aloh lahelo. Arnam monit kepinchong ahut Alangli, laphan Arnam a-arje asonthotsi thip-lo.

²Latum aphan Alangli pinso lapen arlo pinchong-lo, lapen latum aphan Alangli ahirjume pilo, lapen latum aphan kepinchong ahut Monit pusi amen irlo.

³Adam arta ningkan pharo isira thomkep ahut, la inut a-oso apo plang-lo, lapen amethang a-arje asonthot kechinglit, methang a-arje chedunlo, lapen amen Seth irlo.

⁴Lapen Seth amahang thekdet aphi Adam arta ningkan 800 lo; lapen alangli asopo asopimar atum dolang.

⁵Lasonsi Adam akai ningkan 930 reng-lo; lapen alangli thi-lo.

⁶Seth arta ningkan 105 ahut alangli Enosh apo plang-lo.

⁷Enosh amahang thekdet aphi Seth ningkan 807 reng-lo, lapen alangli asopo lapen asopimar atum do.

⁸Lasonsi Seth akai arjon ningkan 912 reng-lo, lapen alangli thi-lo.

⁹Enosh arta ningkan 90 ahut la Kenan apo plang-lo;

¹⁰Kenan amahang thekdet aphi Enosh ningkan 815 reng-lo, lapen asopo lapen asopimar atum do.

¹¹Lasonsi Enosh akai ningkan 905 dolo lapen alangli thi-lo.

¹²Kenan arta ningkan 70 ahut alangli Mahalalel apo plang-lo.

¹³Mahalalel mahang thekdet aphi Kenan ningkan 840 reng-lo, lapen asopo lapen asopimar atum do.

¹⁴Lasonsi Kenan arta ningkan 910 dolo lapen alangli thi-lo.

¹⁵Mahalalel arta ningkan 65 ahut, alangli Jared apo plang-lo.

¹⁶Jared amahang thekdet aphi Mahalalel ningkan 830 reng-lo, lapen asopo lapen asopimar atum do.

¹⁷Lasonsi Mahalalel arta ningkan 895 dosi, alangli thi-lo.

¹⁸Jared arta ningkan 162 ahut alangli Enok apo plang-lo.

¹⁹Enok amahang thekdet aphi Jared ningkan 800 reng-lo, lapen asopo lapen asopimar atum do.

²⁰Lasonsi Jared arta ningkan 962 dolo, lapen alangli thi-lo.

²¹Enok arta ningkan 65 ahut alangli Methuselah apo plang-lo.

²²Methuselah amahang thekdet aphi Enok, Arnam pen pen ningkan 300 kengkam chejor-rappet-lo, lapen asopo-asopimar atum do.

²³Lasonsi Enok akai ningkan 365 dolo.

²⁴Enok Arnam pen pen kengkam chejor-rap-rap-lo; lapen alangli avedet-lo, athema alangliphan Arnam pondet-lo.

²⁵Methuselah arta ningkan 187 ahut alangli Lamek apo plang-lo.

²⁶Lamek amahang thekdet aphi, Methuselah ningkan 782 dolo, lapen asopo-asopimar atum do.

²⁷Lasonsi Methuselah arta ningkan 969 dosi alangli thi-lo.

²⁸Lamek arta ningkan 182 ahut, alangli inut a-osopo apo plang-lo,

²⁹lapen alangli hala amen Noah pusi irlo lapen pulo, “Arnam ahirjuno kepitang alongle, eli kam lapen eri asai-heihei pen kechepaduknang pen bangso abang epasangpo.”

³⁰Noah amahang thekdet aphi Lamek ningkan 595 reng-lo, lapen asopo-asopimar atum do.

³¹Lasonsi Lamek akai ningkan 777 an reng-lo, lapen alangli thi-lo.

³²Noah arta ningkan 500, Noah ke Shem, Ham, lapen Japheth apo plang-lo.