Read Karbi 1 RECHO 5 Bible Online

1 RECHO 5 - Karbi bible

1 RECHO 5

¹Tair arecho Hiram kaita David ajirpo plang-lo, lapen Solomonsi apo David adim recho cholo pu arjulongsi la anat alangli inut det apherangke toilo.

²Hiram aphan laso abirta Solomon voithulo:

³“Nangli chini, pima nelipo David la adung-arei hotur adet atum pen kaiketa ron chedan nangverlo. Lapen laphan hotur kedo-an aphuthak HEMPHU pahailong-et-etik ke la amethang a-Arnam HEMPHU aphan karchoji aphan Kardomhem kimpi thekthedet-lo.

⁴Bonta ne Arnam HEMPHU neliphan ahoi kedo-an penta kangsamjin si nepilo.

⁵Nelipo, David aphan HEMPHU chechak-lo, ‘Nangsopo nangphi Ne recho kebatji abangsi Nephan Kardomhem Nekimpipo.’ Lapen non neli halaso akardomhem neli Arnam HEMPHU aphan karchojisi ahem kekimji chesik-lo.

⁶Lasi nangli monit Lebanon toira neliphan kedar athengpi papitha. Halatum along neli monit atum ta kam cherapdunpo, lapen nangli kephar aling nangli monit aphan neli anam pipo. Nangli chinipame, neli monit atum ke nangli monit atum ason thengpi rokthek-o-e.”

⁷Solomon abirta arjulong-lok pen Hiram chehokpik-lo, lapen la pulo, “David aphan puson kereset asopo pisi thedung adet arecho kepacholong apot HEMPHU aphan choroparlo!”

⁸Anke Solomon aphan Hiram lapuson abirta lolo: “Nangli birta neli long-lo lapen nangli kehang aling keklemji aphan neli chesik-lo. Kedar lapen thengjangthu arong neli padorpo.

⁹Nelimonit atum Lebanon pen thengpi-heihei talo an pavanpo lapen rak-pangrumsi phan pen halahei nangli kangvai atalo akung adim an nangpalepo. Hadak neli monit atum lahei phripo lapen nangli monit atum lahei dengdunpo. Nanglitum pen keklem nangji nelining kehang ke nangli neli monit atum aphan an pador nangpo.”

¹⁰Lasi Solomon kenangji a-Kedar athengpi lapen thengjangthu arong an Hiram padorlo,

¹¹lapen Solomonta Hiram amonit atum aphan soktipli mon suri 50 lapen mon suri 10 jit ajangthu keme kepachoji aphan aningkanvang pilo.

¹²HEMPHU amethang kechechak ateng pen pilo lapen Solomon aphan bidi pilo. Hiram lapen Solomon angbong ningkangsam dolo lapen halatum lahin lahin chechak-lo.

¹³Solomon Recho Israel adet adang pen bang suri 30 amonit jakong akam kepaklemji aphan nep-lo,

¹⁴lapen halatum aphuthak ahemphu Adoniram aphansi bat-lo. La halatum aphan suri 10 songthom thak-lo, asongtin ta Lebanon along chiklo ejon ejon donang-lo lapen chiklo jonni hem chedolong-lo.

¹⁵Solomon bangsuri 80 inglong alongri anat arlong ketheng amonit bilo, lapen bang suri 70 amonit atum ke la keroipon atumlo,

¹⁶lapen hala kepalong dunji aphan bang 3,300 kam kelang abangphu bilo.

¹⁷Solomon ahukum atengsi halatum akeme kethedung a-arlong rok-lo, la Kardomhem aputah aphanlo.

¹⁸Solomon arok-kim lapen Hiram arok-kim lapen Byblos arongsopi pen kevang amonit atumsi kardomhem kekim a-arlong lapen athengpi sikpilo.