Read Karbi 2 RECHO 24 Bible Online

2 RECHO 24 - Karbi bible

2 RECHO 24

¹Jehoiakim recho kecho ahut, Bebilon arecho Nebukadnezzar Judah tengkheng-lo, lapen la kepangri aber Jehoiakim aphan ningkan kethom pado bor-ilo; anke la thak-lo.

²HEMPHU-si Bebilon arisim kedo aron-armu, Siria atum, Moab atum lapen Ammon atum Judah kepavirjisi Jehoiakim abe pathurtoilo, HEMPHU aban montri atum pen kepu lason plangpo pu ateng plang-lo.

³Lason HEMPHU ahukum pensi plang-lo, la amek angden pen Judah arat kephlungjisi klemlo, pima, Manasseh Recho kechoklem apap an apot-lo,

⁴lapen la adokave pin arat aphan pathilo. Manasseh la keklem apot HEMPHU diya un-e.

⁵Jehoiakim keklem akam an Judah Arecho Aphurkimo aloh along tok-et-lo.

⁶Jehoiakim thisi la alar asopo Jehoiachin si recho cholo.

⁷Ijip arecho lapen la aron-armu Ijip adet pen puthot barbedet-lo, pima Bebilon arechosi non Ijip adet ahoi an Euphratis Aroi pen a-Nirep ahoi anta lang-lo.

⁸Judah arecho kecho ahut Jehoiachin arta ningkan 18 vet-lang, lapen la Jerusalem along chiklo jonthom pangrilo. La apei Jerusalem pen Elnathan asopi Nehushta.

⁹Apo arjan ensi Jehoiachin ta HEMPHU aphan langplotsi pap klemlo.

¹⁰La recho kecho ahutsi Bebilon aron-armu aphan Nebukadnezzar achakri nangjasi Jerusalem abethurlo lapen la kompet-lo.

¹¹Kekompet ahut Nebukadnezzar amethang Jerusalem along vang-lo,

¹²lapen Jehoiachin Recho, la apei asomar, achakri atum lapen rechohem achakri anta Bebilon asor aphan chehodaidet-lo. Nebukadnezzar Recho kecho nerkep aningkan ahut la Jehoiachin aphan nepponchek-lo,

¹³lapen Kardomhemthepi along kedo lapen rechohem arlo kedo akhi an Bebilon adet pon et-lo.

¹⁴Jerusalem arat kedo-an lapen rechoso, lapen arlengkethe an kadokave bang suri kep amuluk aphan kebengponjisi nepponlo. Ari asai keklemthek amonit an, kethip-ketheng ahemai ponsi keduknei arat aphan Judah along bitekangchot-lo.

¹⁵Jehoiachin lapen la apei, la apiso atum, la achakri atum. Lapen Judah arlengkethe atum pen pen Nebukadnezzar Bebilon adet beng pon-et-lo.

¹⁶Akenangsot amonit kadokave bang 7000, lapen bang 1000 ri asai akam kethek atum, hemai atum, aphan Nebukadnezzar pon-et-lo, lapen halatum kedo-anta ron amonit atheng-lo.

¹⁷Jehoiachin apunu Mattaniah aphan Nebukadnezzar si Judah arecho bat tekang-lo, lapen la amen larsi Zedekiah irlo.

¹⁸Judah arecho kecho ahut Zedekiah arta ningkan 21 vet-lang, lapen la Jerusalem along ningkan 11 pangrilo. La apei Libnah arongsopi pen Jeremiah asopi Hamutal.

¹⁹Jehoiakim Recho keklem asonsi Zedekiah Rechota HEMPHU aphan langplotsi pap klemlo.

²⁰Jerusalem lapen Judah arat aputhak HEMPHU pu-an aning thi-lo, la amek angdeng pen halatum aphan phlungjuilo.