Read Karbi 1 PHURKIMO 20 Bible Online

1 PHURKIMO 20 - Karbi bible

1 PHURKIMO 20

¹Aphi aningkreng ningkan angbong recho atum ron kedam ahut, Joab ron-armu japonsi Ammon adet tengkheng damlo; David rechoke tebonseta Jerusalem si do. Rabbah arongsopi latum kompetsi, la tengkheng-lo, lapen la pavirdet-lo.

²Ammon atum akumlin Molek ser aphutup kardik lin 34. Laso along bor arlongta do, alangli rongsopi pen ongdung amar an thiponlo.

³Rongsopi arat-atum aphan alangli ponsi kerot akam, ingchin aku-heihei lapen cho-heihei akam paklemlo. Ammon akaprek arong kedo arat aphanta lasonthotsi alangli paklemtoilo. Ansi alangli lapen alangli monit atum Jerusalem chevoilo.

⁴Aphi Gezer along puthot Philistia atum pen ronthurlo. Laso ahut si Sippai pu amen amonit thepo aphan Hushah pen Sibbekai pathilo, lapen Philistia atum remdet-lo.

⁵Akaprek aron Philistia atum pen dothulo, Jair asopo Elhanansi Lahmi pu Gath pen Goliath amu aphan pathilot-lo, lapen alanglichir pe kethak aharpi ason karthat.

⁶Gath along akaprek aron thurlo, hadak inut amonit thepo hi hi arimunjong hongthrok do, lapen hi hi akengchimun hongthrok do. Alangli hako amonit thepo atum aso-asulo.

⁷Alangli Israel aso aphan pinremlo, lapen David a-ik Shammah asopo Jonathansi laphan pathilo.

⁸David lapen alangli monit atum kepathi la bangkethom Gath amonitthepo aso-asu atumlo.