Read Karbi 1 PHURKIMO 26 Bible Online

1 PHURKIMO 26 - Karbi bible

1 PHURKIMO 26

¹Kardomhemthepi along keton adeng keklem a-Levi atum lahei helo: Korah aro pen Kore asopo Meshelemiah, la Asaph ahem-asangho atumlo.

²La asopo bangthroksi do, arta atengsi amen bilo: Jekaariah, Jediael, Zebadiah, Jathniel,

³Elam, Jehohanan, lapen Eliehoenai.

⁴Obed Edom pu inut do, laphan asopo bangnerkep Arnam kepi pen ajok pahirjumelo. Amen arta atengsi tok-lo: Shemaiah, Jehozabad, Joah, Sakar, Nethanel,

⁵Ammiel, Issakar, lapen Peullethai.

⁶Obed Edom aso-akleng, Shemaiah abang asopo bang throk do: Othni, Rephael, Obed, Elzabad, Elihu, lapen Semakiah.

⁷Latum klem un-o apotsi latum aro angbong amen kedodong amonit atumlo; aphi banghini atum ke kethekser binong abang-lo.

⁸Laso akam aphan Obed Edom ahemtun pen pangrumpet bang 62 a-ot kedo amonit atum padordunlo.

⁹Meshelemiah ahemtun pen bang 18 amonit padordunlo.

¹⁰Merari aro pen Hosah, la asopo bangphli do: Shimri, (la sokleng kalidet seta, aposi laphan kejalin abang bat-lo.)

¹¹Hilkiah, Tebaliah, lapen Jekaariah. Kadokave Hosah ahemtun pen bang 13 abangphu Kardomhemthepi tonlo.

¹²Ahemtun atengsi Kardomhemthepi keton atum aphan asong thak-rep-lo, lapen latum aphan akaprek a-Levi atum aphan asonsi kam adeng pirep-lo.

¹³Ahemtuntin ta ke-ong-ke-ong-e langlesi koloso anghap alongsi keton nangjima la aphan khadot ensi chelang-lo.

¹⁴Shelemiah nihang anghap akhadotsi enlo, lapen la asopo Jekaariah inut akeme alam keparever abang nirep anghapsi enlo.

¹⁵Obed Edom aphan ke nitur anghap pacherailo, lapen la asopo atum aphan marpuru angdengsi patonlo.

¹⁶Shuppim lapen Hosah aphan ke nichi anghap lapen tovar athak Shalleketh anghap si patonlo. Keton akam adeng inut aphi inut chethak-rep-lo.

¹⁷Nihang anat bangthrok tonbang atum arnivangta tonverlo, nirep anat bangphli lapen nitur anat bangphli. Bangphli keton atum arnivangta marpuru alongsi tonverlo, angdengtin along banghini hini tonlo.

¹⁸Nichi apharla anat karlu atovar along bangphli tonlo, lapen pharla along amat banghini tonlo.

¹⁹Lahei helo Korah lapen Merari aro aputhak keton akam adeng kepi.

²⁰Akaprek a-Levi asangho atum Kardomhemthepi khipuru lapen Arnam aphan kehodai adan amarpuru chepahemphu nang-lo.

²¹Ladan, Gershon asopo ke ongdung ahemtun atum aphusarlo, laso angbong Jehiel ahemtun ta dolo.

²²Ladan asopo banghini do: Zetham lapen Joel. Latum Kardomhemthepi lapen marpuru chepahemphulo.

²³Amram, Izhar, Hebron lapen Uzziel aso-asu atum aphan ta kam adeng pilo.

²⁴Moses asopo Gershom aro pen Shebuel si Kardomhemthepi khipuru arpu ke-en akethenei asaikhilo.

²⁵Gershom amu Eliezer pen ajok Shelomith penta chepholo. Eliezer ke Rehabiah apolo, lapen la Jeshiah apolo, lapen la Joram apolo, lapen la Zikri apolo, Zikri ke Shelomith apolo.

²⁶Shelomith lapen la ahemtun abangphu atum ke David Recho, hemtun ajalin atum aro asongjalin atum, lapen ron-armu achakri atum Arnam aphan kehodai adan-heihei kedo-an chepahemphulo.

²⁷Latum ron along kethipon amar ajehak ensi la Kardomhemthepi along kerimjisi hodailo.

²⁸Shelomith lapen la ahemtun asor Kardomhemthepi along kerimjisi kehodai amar an aputhak lapen Samuel montri pen Sol Recho pen, Ner asopo Abner pen, lapen Zeruiah asopo Joab pen ajok kevan amar an chepahemphulo.

²⁹Izhar aso-asu angbong, Chenaniah lapen la asopo atum aphan det kelang arpu pilo: Ketok-kebi, lapen Israel arat aphan kangsai akam-heihei aphan.

³⁰Hebron aso-asu angbong Hashabiah lapen bang 1700 la adon-arap an anong kedo amonit atumlo, lapen dhorom lapen Israel along Jordan Aroi anichi anat rat akam kelang arpu pilo.

³¹Hebron aso-asu angbong Jeriah si ajalinlo. David recho kecho ningkan 40 an ahut Hebron aso-asu aphuthak, lapen laso ahemtun along anong kedo Jazer along longdamlo.

³²Jeriah adon-arap hemtun ajalin angbong bang 2,700 anong kedo abangphu David Recho ingvailo, lapen Israel along Jordan Aroi anihang Reuben, Gad lapen nihang a-Manasseh alongri aputhak dhorom lapen rat akam alam aputhak kelang arpu pilo.