Read Karbi 1 PHURKIMO 4 Bible Online

1 PHURKIMO 4 - Karbi bible

1 PHURKIMO 4

¹Judah asomar ajehak lahei helo: Perez, Hezron, Karmi, Hur, lapen Shobal.

²Shobal ke Reaiah apo lo, la Jahath apolo, la Ahumai lapen Lahad apolo, Zorah along kedo arat aphusar atumlo.

³Hur ke la apo Kaleb apiso Ephrath asokleng lo, lapen la aso-asu atum Bethlehem arongsopi kimlo. Hur asopo bangkethom do: Elam, Penuel, lapen Ezer. Etam asopo bangkethom do: Jezreel, Ishma lapen Idbash lapen asopi inut, Hazzeleponi.

⁴Penuel abang Gedor lapen Ezer abang Hushah arongsopi kimlo.

⁵Ashhur, la Tekoa arong kekim abang apiso banghini do, Helah lapen Naarah.

⁶Alangli lapen Naarah asopo atum bangphli do: Ahuzzam, Hepher, Temeni, lapen Haahashtari.

⁷Ashhur lapen Helah asopo bangkethom do: Zereth, Izhar lapen Ethnan.

⁸Koz ke Anub lapen Zobebah apolo, lapen Harum asopo Aharhel pen kevang aro-heihei aphusarlo.

⁹Jabez pu inut amonit dolo, la ahemtun abangphu angbong man pimeme atheng-lo. La apeisi laphan Jabez pu amen irlo, pima la mahang kethek ahut sungpik.

¹⁰Bonta Jabez ke Israel a-Arnam aphan cho-ardomlo, “Ne pahirjumenon, Arnam lapen nephan adang thedung alongle nepitha. Nelong dotha lapen nephan kepasungthek akehingno ason an pen pahelotha.” Lapen la kardom ateng Arnam laphan pilo.

¹¹Kaleb la Shuhah akorte, asopo inut do, Mehir. Mehir ke Eshton apolo,

¹²la asopo bangkethom do: Bethrapha, Paseah lapen Tehinnah. Tehinnah ke Nahash arongsopi kekim abang-lo. Laso aso-asu amonit atum Rekah si do.

¹³Kenaz asopo banghini do, Othniel, lapen Seraiah. Othniel ta asopo banghini do, Hathath lapen Meonothai .

¹⁴Meonothai ke Ophrah apolo. Seraiah ke Joab apolo, la ri asai kethek arat kedo Bipan Arlok kekim abang-lo.

¹⁵Kaleb asopo Jephunneh asopo bangkethom do: Iru, Elah lapen Naam. Elah ke Kenaz apolo.

¹⁶Jehallelel asopo bangphli do: Ziph, Ziphah, Tiria lapen Asarel.

¹⁷Ezrah asopo bangphli do: Jether, Mered, Epher lapen Jalon. Meredke Bithiah pen chepangrilo, bangpi Ijip arecho asopilo, lapen latum asopi inut dolo, Meriam, lapen asopo banghini dolo, Shammai lapen Ishbah. Ishbah si Eshtemoa arong kimlo.

¹⁸Judah akhei pen Mered ta inut a-arloso pen chepangrilo, lapen latum asopo bangkethom dolo: Jered, la Gedor arong kimlo; Heber la Soko arong kekim abang-lo, lapen Jekuthiel, la Zaion arong kekim abang-lo.

¹⁹Hodiah ke Naham angjir aphan si piso enlo, latum aso-asusi Garmi aro paplang-lo, latum Keilah arongso si dolo, lapen Maakath aro ke Eshtemoa alongsi dolo.

²⁰Shimon asopo bangphli do: Amnon, Rinnah, Benhanan lapen Tilon. Ishi ta asopo banghini do: Zoheth lapen Benzoheth.

²¹Shelah inut Judah asopolo. La asomar Er, Lekah arong kimlo; Laadah, la Mareshah arong kekim abang-lo; latum pe-kanglit kethak aro lapen Beth Ashbea arong alongsi kedo;

²²Jokim lapen Kozeba arong along kedo arat atum lapen Joash lapen Saraph, la Moabpi aphan pangrilo lapen aphi Bethlehem along dokok-lo. (Laso aron ke ban-olo.)

²³Latum recho akam aphan longle atibuk kethip-ketheng atumlo lapen Netaim lapen Gederah arongsi kedo.

²⁴Simeon asopo bangpho do: Nemuel. Jamin, Jarib, Zerah lapen Shaul.

²⁵Shaul asopo ke Shallum, asupo ke Mibsam lapen asuselet ke Mishma.

²⁶Anke Mishma aro pen Hammuel, Zakur lapen Shimei aro vang-lo.

²⁷Shimei asopo bangkrethrok lapen asopimar bangthrok do, bonta la adon atum asomar ong-e, lapen Simeon akhei, Judah akhei kechan ason chanche.

²⁸David Recho ahut an Simeon aso-asu atum Beersheba, Moladar, Hazarshual,

²⁹Bilhah, Ezem, Tolad,

³⁰Bethuel, Hormah, Ziklag,

³¹Beth Markaboth, Hazarsusim, Beth-biri, lapen Shaaraim arong-heihei si kedo.

³²Latum akaprek longpho adim ta do, Etam, Ain, Rimmon, Tochen, lapen Ashan,

³³lapen adung-arei arong-heihei ha Baalath arong anitur-anichi anta do. Lahei helo halatum ahem asangho atum lapen latum kedo adim-heihei ketoktang kebi.

³⁴Lahei helo halatum aro-heihei ajalin atumlo: Meshobap, Jamlek, Amaziah asopo Joshah, Joel,

³⁵Jehu (Joshibiah asopo, la Seraiah asopo, la Asiel asopo),

³⁶Elioenai, Jaakobah, Jeshohaiah, Asaiah, Adiel, Jesmiel, Benaiah,

³⁷Ziza (Shiphi asopo, la Allon asopo inut Jedaiah aro, Shimri, lapen Shemaiah).

³⁸Pima latum ahemtun chanbomsi

³⁹Gerar adung an nichi anat latum chehijikbomlo lapen halaso arongsopi along kedo arlok anihang anat halatum abiresak pachopanlo.

⁴⁰Latum ongdung aho-or kedo bap ajo alongle rong angtan long-lo, hadak hurire lapen kedo ingsamjin. Hadak aphrang kedo arat atum Ham aso.

⁴¹Judah arecho Hezekiah ahut Gerar along la damsi halatum apehem-heihei lapen hadak kedo arat ahemso-heihei pavirlo. Halatum latum aphan phlung-etsi halatum adim latum kaike aphan cheraidet-lo, pima hadak latum abiresak aphan dorphlup kechopan adim dolo.

⁴²Simeon akhei bang 500 abangphu Edom anihang anat damlo. Latum aphan Ishi asopo atum si jalo. Pelatiah, Neoriah, Rephaiah lapen Uzziel.

⁴³Hadak latum kerenglang Amalek aso aphan pathi-et-lo, lapen latum hadak halabangso arni pen doverlo.