Read Karbi 1 PHURKIMO 5 Bible Online

1 PHURKIMO 5 - Karbi bible

1 PHURKIMO 5

¹Reuben, la Jakob aso-akleng aro lahei helo. (Pima la apo enpangtar apiso pen irapdet apot, la Zaion-sokleng ajakong chepangbodet-lo, lapen halahei ajakong Joseph aphansi pidet-lo.

²La Judah akhei helo, kangtangnei akhei plang-lo, lapen kedo-an akhei aphanta pangri-abang padorlo.)

³Jakob aso-akleng Reuben asomar bangphli do: Hanok, Pallu, Hezron lapen Karmi.

⁴Lahei helo Joel a-ove ove: Shemaiah, Gog, Shimei,

⁵Mikah, Reaiah, Baal, lapen Beerah.

⁶Assiria Arechokethe, Tiglath Pileser, Beerah akhei ajalin aphan nepcheksi laphan pondet-lo.

⁷Reuben akhei along aro ajalin atum ahemtun amen lahei helo: Jeiel, Jekaariah,

⁸lapen Bela, la Azaz asopo lapen Shema asupo, Joel arolo. Laso aro Aroer arong lapen hadak pen Nebo anirep anat lapen Baal Meon alongsi kedo.

⁹Latum Gilead adet kepangreng api do-o, lasi latum nihang asangti ajo pen Euphratis Aroi atovar kedo-an alongle un an cherailo.

¹⁰Sol Recho ahut Reuben akhei Hagri akhei aphan tengkheng-lo, lapen ron along halatum aphan pathi-et-lo, lapen Gilead anihang anat halatum alongle thi-et-lo.

¹¹Bashan adet Reuben anirep anatsi Gad akhei ke dolo, ha Salekah anihang anat anta.

¹²Kelitdong aro keja abang Joel helo, lapen Shapham adun kelitdong arolo. Janai lapen Shaphat atum helo Bashan along akaprek aro keja abang.

¹³Akaprek akhei abangphu ke la throksi aro angbong helo: Mikael, Mishullam, Sheba, Jorai, Jakan, Zia lapen Eber.

¹⁴Lahei atum Huri asopo Abihail aro, la aphusar atum lapu helo: Abihail, Huri, Jaroah, Gilead, Mikael, Jeshishai, Jahdo, Buz.

¹⁵Abdiel asopo Ahi lapen Guni asupo, helo lahei aro ajalin.

¹⁶Latum Bashan lapen Gilead alongri arong alongsi latum dolo, lapen Sharon alongle kechopan adim an dolo.

¹⁷“Laso aketok ke Judah arecho Jotham lapen Israel arecho Jeroboam-II ahutsi kepangrum.”

¹⁸Reuben, Gad lapen Nihang a-Manasseh akhei along pangrumpet 44,760 aron-aso dolo, chong, nok, thai-heihei ke-otnangji kethan kelongtang atumlo.

¹⁹Jetur along Hagri akhei, Naphis lapen Nodab abe thursi halatum ron damlo.

²⁰Halatum Arnam aphan chikilo lapen kerap kelongjisi ardomlo, lapen latum aphan Hagri lapen la kejalang asong aphuthak pahailo.

²¹Hotur atum pen latum jon suri phokep aka-ut, jon suri 250 abiresak lapen jon surihini agadha, lapen bang suri 100 ron-aso bengponlo.

²²Latum ongdung ahotur aphan pathilo, pima la Arnam aningkehang aron lo. Lapen latum bankedam arni an halaso alongri alongsi dobomlo.

²³Nihang a-Manasseh atum Baal Harmon anirep an, Senir lapen Harmon Anglong an Bashan alongri dolo, lapen latum arat armu chanpik khangjang-lo.

²⁴Latum aro-heihei angbong akethe lahei helo: Epher, Ishi, Eliel, Azriel, Jeremiah, Hodaviah lapen Jahdiel. Latum helo anongkedohu aron-aso lapen halatum aro-heihei angbong kechinihur ajalin atumlo.

²⁵Bonta latum aphusar a-Arnam aphan rat atum kroithipthedet-lo, lapen Arnam det pen kephlungtang adet kaprek a-arnam aphan karchojisi alangliphan tirok-lo.

²⁶Lasi Arnam ke Assiria Arechokethe Pul (Tiglath Pileser pu ta chinihur) aphan halatum adet aputhak patengkheng toilo. La Reuben, Gad lapen nihang a-Manasseh akhei atum aphan pon-etsi latum aphan Halah, Habor, lapen Hara lapen Gozan Aroi akung alongsi kaike kepadoverji aphan bilo.