Read Karbi 1 PHURKIMO 9 Bible Online

1 PHURKIMO 9 - Karbi bible

1 PHURKIMO 9

¹Israel Arat an halatum ahemtun atengsi amen tok-lo, lapen laso alam ke Israel Arecho atum aloh along tokdet-lo. Judah arat aphan halatum apap-heihei aduk apotsi Bebilon adet pondet-lo.

²Amethang alongle arongsopi along nang kechevoicheng a-Israel an angbong mekar atum, kurusar atum, Levi atum, Kardomhemthepi kamklembang atum.

³Judah akhei, Benjamin akhei, Ephraim akhei lapen Manasseh akhei pen rat vangsi Jerusalem arlo nangdolo.

⁴Kadokave Judah akhei pen don 690 Jerusalem nang dolo.

⁵Judah asopo Perez asomar atum Uthai si halatum ajalin plang-lo, la Ammihud asopo lapen Omri asupo. La akaprek aphusar ke Imri lapen Bani

⁶Judah asopo Shelah asomar ajalin ke Asaiah, la ahemtun ajalinlo. Judah asopo Zerah asomar, latum ajalin ke Jeuel helo.

⁷Jerusalem along kedo Benjamin akhei bangphu atum lahei helo: Sallu, la Meshullam asopo, lapen la Hodaviah asopo, lapen la Hassenuah asopo.

⁸Jeroham asopo ke Ibneiah. Lapen Elah ke Uzzi asopo lapen Mikri asupolo. Meshullam ke Shephatiah asopo, lapen la ke Reuel asopo lapen la ke Ibnijah asopo.

⁹Laso akhei ladak kedo don 956 do. Athak amen kedo an ke ahemtun ajalinlo.

¹⁰Jerusalem along kedo akurusar atum lahei helo: Jedaiah, Jehoiarib, lapen Jachin,

¹¹Hilkiah asopo Azariah (Kardomhemthepi along saihemphu kethelo), la aphusar atum Mashullam, Zadok, Meraioth, lapen Ahitub atum helo.

¹²Jeroham asopo Adaiah, la aphusar atum Pashhur lapen Malkijah. Maasai ke Adiel asopo, la aphusar atum ke Jahzerah, Meshullam, Meshillemith lapen Immer.

¹³Hemtun-heihei ajalin akurusar atum pangrumpet bang 1,760, latum Kardomhemthepi along keklem akam an kethekpame atumlo.

¹⁴Jerusalem along kedo a-Levi atum lahei helo: Hasshub asopo Shemaiah, la aphusar atum Azrikam lapen Hashabiah, Merari arolo.

¹⁵Bakbakkar, Heresh lapen Galal. Mattaniah ke Mika asopo, la aphusar atum ke Zikri lapen Asaph.

¹⁶Shemaiah asopo Obadiah, la aphusar Galal lapen Jeduthun. Asa asopo lapen Elkanah la Netophah arong alongri along kedo abang asupo Berekiah.

¹⁷Kardomhemthepi keton atum lahei helo: Shallum, Akkub, Talmon, lapen Ahiman. Shallum ke latum ajalinlo.

¹⁸Halaso ahut anta latum aro-heihei abangphu atum Recho Anghap kelut anihang anatsi do. Aphrang ke latum Levi amukam anghap anatsi ton nang-lo.

¹⁹Kore asopo lapen Ebiasaph asupo Shallum, Korah aro abangphu atum penpen aphusar atum HEMPHU amukam kelang nang ahut asonsi latum HEMPHU kedo apehem amangho along ton nang-lo.

²⁰Eleazar asopo Phinehas along HEMPHU padonang! Latum kedo-an aphan ephongpetsi langnang-lo.

²¹Meshelemiah asopo Jekaariah ta HEMPHU kedo A-pehem amangho along tonbang-lo.

²²Kadokave bang 212 pinso amonit aphan mangho lapen anghap-heihei along keton abang ingvailo. Latum kedo arong-heihei ateng pen latum amen tok-et-lo. Labangso akam arpu aphusar atum aphan David Recho lapen Samuel montri si bat-lo.

²³Latum lapen latum aso-asu atumsi inghap-heihei lapen Kardomhemthepi tonbom nang-lo.

²⁴Ahintin kepangno anghap do, Nirep anat, Nitur anat, Nihang anat, lapen Nichi anat, lapen alongtinta keton ahemphu dolo.

²⁵Lahei tonbang atum aphan adon-arap rongkedo lapen keton arpu kedo atum erui an ton nang-lo.

²⁶Bangphli keton ahemphu atum ke Levi aso lapen latum arideng thedung arpu dolo. Kardomhemthepi arlo angdeng lapen hadak kebi amar kelang arpu latum aridengsi dolo.

²⁷Latum Kardomhemthepi adungsi do, pima la aphan keton akam latum si klem nang-lo, lapen adapvang inghap-heihei ingpu nang-lo.

²⁸Akaprek a-Levi atum ke karcho aphan ke-en ajohton-heihei rim nang-lo. Latum lahei langpo, lapen entang det aphi rim pamelo.

²⁹Akaprek atum ke kangthir ajohton-heihei lapen him, drakha ahorlang, jit ajangthu, lapen mosala-heihei chepahemphulo.

³⁰Bonta mosala kepangvui arpu ke kurusar atumsi cherailo.

³¹Korah aro Shallum aso-akleng, Mattithiah a-Levi inutsi him kedang-heihei akam aphan bat-lo.

³²Kohath aro bangphu atum ke aruitin kesang arni Kardomhemthepi aphan ke-en him kangthir keselam nangji arpu enlo.

³³Ajehak Levi aso ahemtun atum ke Kardomhemthepi along cheng-prakso kethip arpu enlo. Lahei ahemtun ajalin atum ke Kardomhemthepi ajehak ahem alongsi dolo lapen latum akaprek akam pen jok-lo, pima latum aphan ajo anerlo seta kam aphan hang-lo.

³⁴Athak amen kedo a-Levi atum an halatum ahemtun ajalin atum, halatum aphusar aro ateng-lo. Latum Jerusalem along kedo ajalin atumlo.

³⁵Jeiel si Gibeon arongsopi kimlo, lapen hadak dolo. La apiso amen Maakah.

³⁶La aso-akleng amen Abdon, lapen la akaprek asomar Zur, Kish, Baal, Ner, Nadab,

³⁷Gedor, Ahio, Jekaariah lapen Mikloth,

³⁸La Shimeah apolo. Halatum aso-asu atum halatum aro ahemtun-heihei adung Jerusalem alongsi dolo.

³⁹Ner ke Kish apolo, lapen Kish ke Sol apolo. Sol asopo bangphli do: Jonathan, Malkishua, Abinadab lapen Eshbaal.

⁴⁰Jonathan ke Meribaal apolo, la Mikah apolo.

⁴¹Mikah asopo bangphli do: Pithon, Melek, Tarea, lapen Ahaz .

⁴²Ahaz ke Jarah apolo, la osomar bangkethom apolo: Alemeth, Azmaveth, lapen Zimri. Zimri ke Moza apolo,

⁴³Moza ke Binea apolo, Binea ke Rephaiah apolo, Rephaiah ke Eleazah apolo lapen Eleazah ke Azel apolo.

⁴⁴Azel asopo bangthrok do: Azrikam, Bokeru, Ishmael, Sheariah, Obadiah, lapen Hanan.