Read Karbi 2 PHURKIMO 22 Bible Online

2 PHURKIMO 22 - Karbi bible

2 PHURKIMO 22

¹Aso akebisi Ahaziah pen apar ajehak Arab atum thiparohumsi Jehoram asomar kedo-an aphan pathilap-lo. Lasi non Jerusalem arat atum apo alar Ahaziah aphansi recho bat-lo.

²Ahaziah arta ningkan 22 ahutsi recho plang-lo, lapen ningkan isi Jerusalem along pangrilo.

³Ahaziah ta Ahab Recho ahemtun a-arjansi endunlo, thangbakma, la apei Athaliah ke Ahab Recho asopi lapen Israel arecho Omri asupisi laphan parelo lapen laphan kehingno anat jalo.

⁴La HEMPHU aphan langplotsi pap klamlo, pima apo thilot aphi Ahab Recho ahemtun ajehak abangphu atum la parebang plang-lo, lapen latum laphan kevir anat jalo.

⁵Halatum kepare arjusi la Israel arecho Joram pen chelangsi Siria arecho Hazael abe ronthurlo. Ron-armu Gilead along Ramoth pu adim chedanlo, lapen ron along Joram areng sodak-lo.

⁶La Jezreel arongsopi anat areng keso pen chepamejisi chevoilo, lapen Ahaziah hadak laphan kelangdamjisi vurdamlo.

⁷Ahaziah aphan kepavirjisi HEMPHU laso akevur ahut Joram aphan rimlo. Ahaziah hadak kedo ahut la lapen Joram inut Nimshi asopo Jehu pu amen amonit chetong-lo, Ahab aso kepavirjisi HEMPHU lason ingvailo.

⁸Arnam ahukum Jehu laso ahemtun aphuthak keponbom ahut, la Judah ajalin along lapen Ahaziah along kevurdun a-osa atum chetong-lo. La kedo-an aphanta Jehu pathi-et-lo.

⁹Ahaziah aphan rilo, lapen la Samaria along kechepatu thek-long-lo. Laphan Jehu along halatum pondet-lo, lapen pathilot-lo. Bonta HEMPHU aphan kangdukjisi kedo-an keklem abang la aphu Jehoshaphat Recho aphan langsi la abang arpum aman pen pip-lo. Det kepangriji aphan Ahaziah ahemtun pen inutbak abangphuta avedet-lo.

¹⁰Ahaziah Recho apei Athaliah asopo aphan pathitang-lo, pu abirta karjulong amat pen bangpi recho ahemtun abangphu kedo-an aphan kepathi-etji ahukum pilo.

¹¹Ahaziah angjir pabeng, Jehosheba, bangpi Jehoiada pu amen inut akurusar aphansi penan dolo. Bangpi Ahaziah asomar angbong inut Joash aphan pajoksi kethi nangji recho asomar atum pen pondetsi laphan patujoilo. Lapen Kardomhemthepi kedo angdeng arlo lanalo. Laphan patujoisi, bangpi laphan Athaliah arideng pen pajok-lo.

¹²Ningkan throk Athaliah Rechopi kecho ahut la chepatu nang-lo.