Read Karbi 2 PHURKIMO 3 Bible Online

2 PHURKIMO 3 - Karbi bible

2 PHURKIMO 3

¹Solomon apo David Recho Kardomhemthepi aphan adim pathik-et-lo. La Jerusalem along, Moriah anglong hadak David aphan HEMPHU kecheklang adimlo, la Jebusi-aso Araunah asok kesi adimlo.

²Solomon Recho kekim akam hini achiklo alang recho kecho phli aningkan si pangcheng-lo.

³Solomon Recho kekim a-Kardomhemthepi keding ingrup throk-kep lapen arpan ingrup ingkoi.

⁴Hongkup angdeng ajam kethe ahempi ason-thak-thaksi ingrup ingkoi lapen kangtui ingrup pharo-isira ingrup ingkoi, Arlo angdeng ke aju-kavepin aser pensi ketop-lo.

⁵Angdengpi abang ke kedar akapat densi la athak aju-kavepin aser topdunlo lapen la along sotele arong arjan toksi ri ason pachehing-lo.

⁶Recho abang Kardomhemthepi ador keso kemesen a-arlong-heihei lapen Parvaim adet pen kevan aser pensi alon pilo.

⁷Alangli kardomhem arpong-heihei ajarbop-heihei, hongthu-heihei, lapen inghap-heihei ser pensi topdunlo. Arpong-heihei along kam keklem atum arveng kedo api arjan-heihei hong-lo.

⁸Arlo angdeng ke Kangthirnei Adim pulo, la keding ingrup ingkoi lapen ajamkethe ingrup ingkoi, la Kardomhemthepi ateng-lo. Kangthirnei Adim arpong along ser kepadun mon 500 an sose enlo;

⁹asak keselam aphan 570 gram aser enlo, lapen athak angdeng arpong-heihei anta ser si top-lo.

¹⁰Kam keklem atum aphan kangtangrak amar pen arveng kedo api jonni paselamsi athak ser patopji aphan recho hukum pilo, lapen lahei Kangthirnei Adim si pabitoilo,

¹¹hadaksi hongkup anat papangnosi akung-kung parjap-lo. Ajontin ta avengkong hongni do, lapen keding ingrup 5 do,

¹²pu pu avengkong pachejotsi angbong chitim-chit pachepholo.

¹³Lapen akaprek avengkong abang jonnita chephajengsi pu pu arpong paphodamlo, la ingrup 20 ajam kethe an ta.

¹⁴Kangthirnei Adim aphan kebeng ape pe-kanglit lapen akaprek amar pensi kethak, la arong akelir, erring lapen ake-er pen kepaju lapen la along arveng kedo api-heihei arjan dolo.

¹⁵Archok hongni recho paselamlo, ahongtin ingrup 35 kangtui, lapen Kardomhemthepi angnosi parjap-lo. Ahongtinta ingrup pho an keding aphu do.

¹⁶Archok athaksi isi paivokak alek-asang asonsi arjan bilo lapen 100 atam angchin adalim athe padolo.

¹⁷Archok hongnita Kardomhemthepi kelut ahongkup anat amen Jachin lapen akaprek abang nirep anat amen Boaz .