Read Karbi 2 PHURKIMO 33 Bible Online

2 PHURKIMO 33 - Karbi bible

2 PHURKIMO 33

¹Manasseh Judah arecho kecho ahut la arta ningkan 12 vet-lang, lapen la Jerusalem along ningkan 55 pangrilo.

²Arat atum kepaphrang ahut HEMPHU det pen karphlungtang akhei atum kehijim-meme akeseke rim dunsi Manasseh HEMPHU aphan langplotsi pap klemlo.

³La apo Hezekiah kepavirtang karchotap adim-heihei kimthulo. La dovan-heihei Baal karcho aphan kimsi, arnampi Asherah akumlin-heihei aphan archolo.

⁴Kardomhemthepi HEMPHU kepu alangliphan karchover adim along karchotap adovan-heihei la kimlo.

⁵Kardomhemthepi atikup-heihei along chiklolongso-heihei karchoji aphan dovan-heihei kimlo.

⁶La Hinnom Arlok along asopo atum aphan kephrin athok pinchong-lo. La kepaludep klemlo, lapen kemoitap akam klemlo, lapen ripak ang-ang kethan atum aphan lapen lasonthakthak atum aphan rilo. La HEMPHU aphan langplotsi pap klemlo, lapen Alangliphan aning papung-lo.

⁷La Kardomhemthepi arlo isi akumlin bilo, laso adim along helo Arnam David lapen la asopo Solomon aphan kepu: “Ladak Jerusalem laso a-Kardomhemthepi alongsi Israel khei 12 alongri angbong pen Nephan kaita keparchoverji aphan kangvaitang adimlo.

⁸Jongsi Israel arecho atum Ne hukum-heihei lapen halatum aphan Neban Moses kepi Aron rimlote, aphusar atum aphan Ne kepi alongle pen latum aphan paphlung longledetpo.”

⁹Manasseh, Judah arat aso aphan japonsi la arat aso atum kepaphrang ahut HEMPHU det pen kephlung akhei atum keklem apap an sose klemlo.

¹⁰Manasseh lapen la arat aphan HEMPHU papheretoilo seta, latum karjuji molo.

¹¹Lasi HEMPHU, Assiria aron-armu apinpo Judah patengkheng-lo. Latum Manasseh aphan nepchek-lo, arhi pavurlo, ingchin arri pen ingnang-lo, lapen Bebilon adet pondet-lo.

¹²La sungsi chepabihek-lo, la a-Arnam HEMPHU anat chetevarlo, lapen akerap chohang-lo.

¹³Arnam Manasseh akardom deng-lo, lapen laphan Jerusalem pachedam longthusi puthot pangrithulong pen ajok Manasseh akardom thak-lo. La pensi HEMPHU Arnamlo pu Manasseh chinilo.

¹⁴Laso aphi, David Arongsopi nihang apai Manasseh pangtuilo, arlok adung Gihon alang amek anirep anat pen Ok Anghap an lapen Ophel arongsopi angkang an. Alongtin ta Judah arongsopi along esong aron-asong bisi inut hukum kepi abang alangli bilo.

¹⁵Adet kaprek a-arnam-heihei lapen la keselam hadak kebi akumlin, Kardomhemthepi pen terek et-lo, lapen Kardomhemthepi karjap anglong along kedo karchotap adovan-heihei lapen Jerusalem along kaprek adim anta; lahei la pon-etsi lahei amar rongsopi angtan vardamchorlo.

¹⁶HEMPHU aphan karcho adim adovan la paselamthulo, lapen la kejelang athok-heihei lapen kero kepi athok-heihei la athak pilo. Israel a-Arnam HEMPHU aphan karchojisi kedo-an Judah arat aphan hukumpilo.

¹⁷Rat atum along kaprek athok-heihei pilo, seta latum HEMPHU aphansi pichot-lo.

¹⁸Manasseh keklem asontin akam an la a-Arnam aphan kardom, Israel a-Arnam HEMPHU amen pen laphan kemontri abirta-heihei kedo-an Israel Arecho atum aphurkimo alongsi tok-et-lo.

¹⁹Recho akardom lapen la aphuthak Arnam kethak, lapen la aning kecheruire aphrang la keklem apap lapen kehung akam-heihei karchotap adim-heihei lapen la keselam arnampi Asherah akumlin-heihei lapen la karcho akumlin-heihei montri atum aphurkimo along tok-et-lo.

²⁰Manasseh thilot-lo, lapen rechohem alongsi pip-lo, lapen la asopo Amon si la alar recho cholo.

²¹Judah arecho kecho ahut Amon arta ningkan

²²lo lapen la Jerusalem along la HEMPHU aphan langplotsi pap klemlo, lapen la apo karcho akumlin-heihei la ta archolo.

²³Bonta apo ason kalisi la chepabibedet-lo, lapen HEMPHU anat pangnonedet-lo; la apo an sose pap klemlo.

²⁴La aphan achakri atum kepathiji thurlo, lapen rechohem arlo laphan pathilot-lo.

²⁵Judah arat atum Amon aphan kepathi abangphan pathilo lapen la asopo Josiah aphansi recho paplang-lo.