Read Karbi 2 PHURKIMO 4 Bible Online

2 PHURKIMO 4 - Karbi bible

2 PHURKIMO 4

¹Lapen alangli ingrup ingkoi akeding lapen ingrup ingkoi arpan lapen akangtui ingrupkep, tam adovan selamlo.

²Lapen alangli talo alangpen pachorlo. Lake amangkui pen amangkui anta ingrup kep. Lake bong-longdir lapen kekomchen ingrup thomkep akeding arri lapen akangtui ingrup-pho.

³Lapen la arum chainong alo arjan penang komchensi ingrupkep anta do. Chainong alo renni do lapen talo alangpen kechor ahut lapen la ta chordet-lo.

⁴Lake chainong alo jonkrehini athak do, jonthom nirep anat pangnolo, jonthom nichi anat pangnolo, jonthom nitur anat pangnolo, lapen jonthom nihang anat pangnolo. Lapen talo alangpen latum athak bat-lo, lapen akengber arlo an anat dopet.

⁵La karthat munphli lapen amangkui harlung amangkui nangnak selamdet-lo, pindong amir ason lapen mon 1,700 anbak alang jangthek.

⁶Alangli phu-etpita thomkep selamsi kechamji aphan hongpho ar-e anat lapen hongpho arvi anat bilo. La ke me kephrin-i athok lang pen athok kechamji aphan bonta talo alangpen kurusar atum lang kechingluji aphanlo.

⁷Lapen kethan aron asonsi alangli melur archok hongkep selamsi kardomhemthepi si bilo, ar-e anat hongpho, arvi anat hongpho.

⁸Lapen alangli tebul kep selamlo lapen kardomhemthepi ar-e anat pho lapen arvi anat pho bilo, lapen alangli harlungkethe hong pharo selamlo.

⁹Lapen alangli kurusar atum atikup lapen tikupkethe lapen tikup anghap lapen anghap-heihei tam pensi top-lo.

¹⁰Lapen alangli talo kardomhem-thepi ari ar-e nihang nitur atok bilo.

¹¹Lapen Huram phumang an lapen bevuk an lapen harlungkethe an selamlo. Lasonsi Huram Arnam ahem akam Solomon Recho aphan patangpilo!

¹²Ha nujok hongni, lapen harlung nangnak la athak aphu hini lapen anujok athak ha harlung hini nangnak aphu kedipji alan hini

¹³lapen alan aphan dalim athe pharophli, atheke nujok hongni athak harlung nangnak aphu kedipji aphan alantin aphan dalim athe parennilo.

¹⁴Lapen alangli chainong ahemkonglong humkep , phumang kep, langpen phu kep lapen aden-heihei selamlo, lapen aden tin athak alangli phu-etpi

¹⁵lapen ha isinat atalo lapen la arum achainong alo jonkrehini lapen aphan archak-lo,

¹⁶lapen phumang-heihei lapen bevuk-heihei lapen aso kethom atokphrok-heihei lapen ajoton an Huram, alangli kejalin klembang, ingthi-et atam pen Solomon Recho aphan Hemphuhem aphan selamdet-lo.

¹⁷Recho, Sukkoth arong lapen Zeredah arong adak Jordan athoi tampeti anghan ajosi la pachorlo.

¹⁸Solomon bangso ajoton an ongdungsi selamlo, pima tam ardi thakthelo.

¹⁹Lapen Solomon Arnam ahem ajoton an paselamlo, atheke, ser adovan, lapen do-i ahim kebiji aphan atebul-heihei

²⁰lapen melur archok-heihei pen melur an ajukave aser pen selamlo. Amelur ke kangthirnei angdeng angno alongsi keipo.

²¹Lapen angphar lapen amelur munghep do-an ser lapen la ke ajukave binong aser pensi selamlo.

²²Lapen ari kangtip anapit lapen harlungkethe lapen harlungso lapen me kephrin-i la do-an ajukave aser binong pen selamlo, lapen hem anghap, atheke kangthirnei angdeng lapen kangthir anghap ser pensi selamlo.