Read Karbi 2 PHURKIMO 8 Bible Online

2 PHURKIMO 8 - Karbi bible

2 PHURKIMO 8

¹Solomon aphan la Kardomhemthepi lapen rechohem kekim ningkan ingkoi enlo.

²Alangphan Hiram kepi arongsopi-heihei la kimthulo, lapen Israel atum aphan hadak padodam-toilo.

³La Hamath lapen Zebah alongri cheraidet-lo,

⁴lapen kejejangtang ajo Palmira arongsopi apaisong kimlo. La Hamath along rongsopi kedo-an kimthulo, lahei kecho amar kebi adimlo.

⁵Solomon lahei arongsopi puthot kimthulo: Athak a-Beth Horon lapen Aber a-Beth Horon (anghap kedo apaisong arongsopi la paklijapme),

⁶Baalath arongsopi, kecho amar kebi arongsopi an, lapen la alosei lapen ronhemkonglong kebi arongsopi an, Jerusalem along kekim, lapen Lebanon along lapen alangli kepangri alongri along an la kemang akam pachun-et-lo.

⁷Longle kecherai ahut Israel atum kepathithe Kanaan aso atum an aphan Solomon jakong akam paklemtoilo.

⁸Laso angbong Hitti atum, Amor atum, Perizzi atum, Hivi atum, lapen Jebusi atum, lahei atum nonpu ta bansi donang-bomlang.

⁹Israel aso aphan ke jakong akam paklemtoite, bonta ron-aso, achakri, ronhemkonglong ahemphu, lapen losei kardon atum asonsi ingduk-lo.

¹⁰Hadak jakong akam bang 250 ban ahemphu dolo, latum akaprek kaprek akam along chepahemphulo.

¹¹Solomon apiso Ijip arecho asopi aphan David Arongsopi pen bangpi aphan la kekimpi ahem ehum along terek-lo. La pulo, “Israel a-David Rechohem along bangpi do nangne, pima Kechejok Asinduk kedo adim an ingthirlo.”

¹²Kardomhemthepi athengno Solomon kekim adovan athak HEMPHU aphan la athok-heihei pilo.

¹³Kangthir arni aphongtinta Moses Aron akenang ateng pen la kephrin athok pilo: Kesang arni, chiklo Kemi arong-aje lapen kethom ningkan esek arong-aje, thapkave ahim arong-aje, sok-kerot arong-aje, lapen chepachong arong-aje.

¹⁴Apo David kethik aron ateng klemsi, la lun kelun akurusar pen halatum akaprek akam keparapdunji aphan kurusar lapen Levi atum arnivang keklem nangji akam pathirlo.

¹⁵Arnam amonit David hukum kepi ateng alongtin anghap along halatum keklem nangji arnivang adeng-heihei Kardomhem tonbang atum aphan lapen Levi atum aphan David kepinkhat marpuru alam lapen akaprek akam-heihei angton pen klem et-lo.

¹⁶Laso apor ahut an Solomon akam an pachun-et-lo. HEMPHU a-Kardomhemthepi ahemthur kekim pen la kepatang an, kedo-an akam chun pamelo.

¹⁷Anke Solomon Eziongeber lapen Elath anat damlo, Edom adet along Agaba ataloso akung kesang adim,

¹⁸lapen Hiram Rechosi amethang kethekser telongpi kevek achakri ahukum aber telongpi-heihei nangtoilo. Halatum Solomon achakri atum penpen vek-lo, ha Ophir adet an lapen Solomon along lin suri krepho an sose aser vanpilo.