Read Karbi EZRA 1 Bible Online

EZRA 1 - Karbi bible

EZRA 1

¹Parsia a-Rechokethe Sairas kecheng aningkan recho kecho ahut HEMPHU amontri Jeremiah pen ajok kepaningjetoi alam chekok-lo. Alangli Sairas aphan aning parungsi la-heihei ahukum papitoilo lapen recho alongritin asekethe pen kepaporhetoiji aphan toksi lopet-lo:

²Lake Parsi arechokethe Sairas ahukumlo. Sining a-Arnam HEMPHU-si pirthe adang aputhak kepangriji aphan nebat-lo, lapen Judah adet Jerusalem along Alangliphan kardomhemthepi kekimji arpu nephan nepilo.

³Nangtum, Alanglirat aso an aphuthak Arnam nangpadodun lonang. Nangtum Jerusalem damsi HEMPHU, Israel a-Arnam a-Kardomhemthepi kimpinon.

⁴Jongsi Alangli rat aso ban-kedam atum kechevoiji akerap akenang do pulote halatum adung abang laso akerap halatum aphan pidun nangji. Halatum ser, rup lapen pi atum, Jerusalem along adan athok kepiji aphan nangji.

⁵Ansi Judah lapen Benjamin aro keja atum lapen kurusar atum lapen Borwa mate Levi atum lapen Arnam aning keparung atum an kedamjisi lapen Jerusalem along Kardomhemthepi kekimthujisi damlo.

⁶Ongdung amar halatum aphan adung atum pen kerap long-lo: Ser, rup akasu-harlung-heihei lapen kaprek ador keso amar Kardomhemthepi along dan kepiji aphan longponlo.

⁷Recho Nebukadnezzar, Jerusalem Kardomhemthepi pen kevan lapen amethang a-arnam atum ahem kepitang aharlung lapen langbong-heihei Sairas halatum aphan voi dunlo.

⁸Halahei nangli Mithredath pu recho akhipuru kelangbang akethenei, arideng pen pachonsi Judah adet a-Govornor Sheshbazzar la lakhasi alangliphan hodailo,

⁹lahei helo aphai: Ser akasu pak 30, rup akasu pak 1000, kasuso pak 29,

¹⁰Ser aharlung hong 30, rup aharlung hong 410, kaprek ketun-kedang ajohton 1000 dolo.

¹¹Kadokave ser-rup ajohton 5,400 Sheshbazzar kaprek bandamtang atum penpen Bebilon pen ha Jerusalem ponlo.