Read Karbi EZRA 10 Bible Online

EZRA 10 - Karbi bible

EZRA 10

¹Ezra Kardomhemthepi athengno kechiru lapen pap-heihei kechekobir kardom tongdik ahut, asong thedung pinso-arlo, lapen osomar a-Israel atum alanglidung kompetsi chingrumlo, lapen un an chirudunjolo.

²Ansi Jehiel asopo Shekaniah, Elam aro, Ezra aphan pulo, “Netum kaprek ajat aphan piso-ke-en, pinan-kedo la pen ajok Arnam aphan kroikredet-lo. Seta Israel aphan isi ningkethe dolang.

³Non etum e-Arnam angno thirklong ason chechak lonang, etum keche-en, kechedo bang ajat an, osomar an cheti-et lonang. Netum nangli lapen kaprek Arnam ahukum aphan man kepi atum netum aphan kepare aling netum klempo. Arnam aron-heihei kehang aling netum klempo.

⁴Lake nanglisi keklem nangji, nangli arpulo. Netum nangli phi dolo, la apotsi nangli klemra la patangdet non.”

⁵Lasi Ezra, kurusar atum, Levi atum lapen kedo-an rat ajalin atum aphan Shekaniah kepu ateng klemdunpo pu seme pa-en pen cheng-lo.

⁶Ansi la Kardomhemthepi athengno pen damjuisi Eliashib asopo Jehohanan kedo angdeng arlo lutdamsi jopangthang akekroi kave bankedam atum aphuthak ningduksi pangthang-lo. La thangnat asonta choche-junjedet-lo.

⁷Isi abirta Jerusalem lapen Judah alongri bankedam pen nangkechevoi atum an aphan Jerusalem along kechetong-petji aphan

⁸rat ajalin atum ahukum pen pachethang-toilo. Jongsi mane abang nithom angbong nangchetong dun thekthe pulote, labangso amar an thipon-etpo, lapen la rat amei abangphu keplangji ajakong en-edetpo.

⁹Nithom angbong, sirkep achiklo, 20 arni, Judah lapen Benjamin alongri kedo-an amonit atum Jerusalem vang-lo lapen Kardomhemthepi achetai along chingrumpet-lo. Laso ahut arve jangpik lapen botor lapen akenangsot amei apot rat atum anut-tinta klemhurlo.

¹⁰Ezra, kurusar arjapsi halatum aphan pulo, “Nangtum akekroi kave lapen bang adet a-arloso aphan ke-en pen Israel aputhak ado vanlo.

¹¹Non lasi nangphusar atum a-Arnam, HEMPHU aphan nangpap-heihei chekobirnon, lapen Alangliphan aning kepadok akamle klemnon. Etum adet kedo bang adet asor pen nangtum chepapreknon, lapen bang adet nangpiso an chetinon.”

¹²Rat atum thakdunpet-lo, “Nang kepu aling netum klempo.”

¹³Lapen halatum ingthunthulo, “Armu ongpik, lapen arveta jangpik. Lapuson ingtan netum arjapver un-e. Lake arnisi mate nini angbong keklem un akam kali, pima ake-ongpi netum laso apap along cherapdunlo.

¹⁴Netum achakri atum Jerusalem padolonang lapen akam arpu padeng-lonang, lapen bang adet apiso kedo abang apor kethiktang ateng pen la arongsopi ajalin lapen kangsai atum pen pen pavang-lonang. Lasonsi laso ahut aputhak Arnam aningkethi hamji mene.”

¹⁵Asahel asopo Jonathan lapen Tokvah asopo Jahzeiah pen apar baduta laso akemang along khinde abang avedet-lo, latum Meshullam lapen Shobbethai, a-Levi pen abe chelong-lo.

¹⁶Bankedam pen nang kechevoi atum bangso akemang deng-lo, lasi Ezra kurusar arotin jabang atum angbong pen pinso ingvailo , lapen halatum amen tokdetsi bikoilo. Kep achiklo, kecheng arni halatum keri pangcheng-lo,

¹⁷lapen chiklo jonthom angbong pen latum bang adet apiso kedo abangphu alam an ri patang-lo.

¹⁸Bang adet apiso kedo amonit atum amen aber ketok helo: Kurusar atum aro pen amen: Joshua aro lapen la amumar atum Jehozadak asomar atum: Maaseiah, Eliezer, Jarib lapen Gedaliah.

¹⁹Latum apiso atum aphan kechetiji aphan chechak-lo, lapen halatum apap-heihei aphan biresak aloso athok pilo.

²⁰Immer aro: Hanani lapen Zebadiah,

²¹Harim aro: Maaseiah, Elijah, Shemaiah, Jehiel, lapen Uzziah.

²²Pashhur aro: Elionai, Maaseiah, Ishmael, Nethanel, Jozabad, lapen Elasah.

²³Levi atum: Jozabad, Shimei, Kelaiah, (Kelita pu ta pu), Pethahiah, Judah lapen Eliezer.

²⁴Lunse atum: Eliashib, Kardomhemthepi honbang atum: Shallum, Telem, lapen Uri.

²⁵Kaprek atum: Parosh aro: Ramiah, Izziah, Malkijah, Mijamin, Eleazar, Malkiah lapen Benaiah.

²⁶Elam aro: Mattaniah, Jekaariah, Jehiel, Abdi, Jeremoth lapen Elijah.

²⁷Zattu aro: Elioenai, Eliahib, Mattaniah, Jeremoth, Zabad lapen Aziza.

²⁸Bebai aro: Jehohanan, Hananiah, Zabbai, lapen Athlai.

²⁹Bani aro: Meshullam, Malluk, Adaiah, Jemhub, Sheal lapen Jeremoth.

³⁰Pahath Moab aro: Adna, Chelal, Benaiah, Maashiah, Mattaniah, Bezalel, Binnui lapen Manasseh.

³¹Harim aro: Eliezer, Isshiah, Malkiah, Shemaiah, Shimeon,

³²Benjamin, Maluk, lapen Shemariah.

³³Hashum aro: Mattenai, Mattattah, Zabad, Eliphelet, Jeremai, Menasseh, lapen Shimei.

³⁴Bani aro: Maadai, Amram, Uel,

³⁵Benaiah, Bedeiah, Cheluhi,

³⁶Vaniah, Meremoth, Eliashib,

³⁷Mattaniah, Mattenai, Jemsu.

³⁸Binnui aro: Shimei,

³⁹Shelemiah, Nathan, Adaiah,

⁴⁰Machnadebai, Shashai, Sharai,

⁴¹Azarel, Shelemiah, Shemariah,

⁴²Shallum, Amariah, lapen Joseph.

⁴³Nebo aro: Jeiel, Mattithiah, Zabad, Zebina, Jaddai, Joel lapen Benaiah.

⁴⁴Lahei amonit atum bang adet apiso dorep. Latum halahei chiti et-lo, lapen halatum aphan lapen halatum asomar an aphan toi et-lo .