Read Karbi NEHEMIAH 1 Bible Online

NEHEMIAH 1 - Karbi bible

NEHEMIAH 1

¹La helo Hakaliah asopo Nehemiah kepachuntang alamjir. Parsi arecho kethe Artaserses ningkan 20 recho kecho ahut Kislev achiklo, neli Nehemiah, Susa, la det arongsopi alongrisi dolo.

²Neli korte angbong pen inut, esong amonit atum pen pen Judah pen nanglelo, lapen neli halatum aphan Jerusalem alam lapen Bebilon ban kedam pen nang kechevoitang, a-Judah akorte atum alam arjulo.

³Halatum neliphan nethanlo, amethang alongle hem kechevangtang kerenglang atum ke sungpiksi kedo lapen adung arei kedo bang adet aso atum halatum aphan langrop khangjang-lo. Jerusalem arpong-heihei ta ru-et-lo, lapen halahei me kekai arni pen anghap-heihei selamle pinlang pusi halatum nelithan thulo.

⁴Neli la arjulong-lok pen ingnijoisi chirulo. Penang an arni neli chirulo lapen an chochelo. Neli Arnam aphan ardomlo.

⁵“Sining Arnam HEMPHU! Nang thepik lapen Nangphan pheresi netum arjap. Nangphan kechinghon lapen Nanghukum keklem atum aphan kekroi thirklong pen Nang kechechak ateng dover.

⁶Neliphan nelangtha, Hemphu, ne Nangban Israel arat atum aphan ajo lapen anerlo kardomver asonthak thak ne kardom arjutha. Ne chekobirlo, netum Israel arat pap klemtang-lo. Nephusar atum lapen ne, pap klemtang-lo.

⁷Netum Nangbe thursi kehingno akam klemlo lapen Nang kepaklemtoi akam klemkledet-lo. Nangban Moses pen Nang kepi aron-heihei netum ot-edet-lo.

⁸Moses aphan Nang kepu alam chemathatha: ‘nangtum Israel arat jongsi kroithipthe pulote kaprek adet atum angbong nangpadamjamji.

⁹Bonta nangtum Ne rat vang-lote lapen Ne kepaklemtoi ateng klemlote, Nephan keparchoji adimthot Ne nangvanthuji, nangtum pirthe kejut an hijikjam seta.’”

¹⁰Hemphu lahei atum Nangbanlo lapen Nang-rat asolo. Nang latum aphan Nang jakong kethe lapen kangtang pen pajok-lo.

¹¹Ne kardom lapen nangban man kepiji nangban atum an akardom-heihei non arjutha. Nephan pini pa-un longtha lapen rechokethe nephan pajinso longtha. Halaso ahut ne rechokethe aharlung kepon abang-lo.