Read Karbi NEHEMIAH 10 Bible Online

NEHEMIAH 10 - Karbi bible

NEHEMIAH 10

¹Kechengsi ke Hakaliah asopo Nehemiah, govornorsi amen chetok nang-lo, lapen aphi Zedekiah si tok-lo, ha aber atum anta chetok rep-lo.

²Seraiah, Azariah, Jeremiah,

³Pashhur, Amariah, Malkijah,

⁴Hattush, Shebaniah, Malluk,

⁵Harim, Meremoth, Obadiah,

⁶Daniel, Cinnethon, Baruk,

⁷Meshullam, Abijah, Mijamin,

⁸Maaziah, Bilgai, lapen Shemaiah.

⁹Azaniah asopo Joshua, Henadad aro pen Binnui, Kadmiel,

¹⁰Shebaniah, Hodiah, Kelita, Pelaiah, Hanan,

¹¹Mika, Rehob, Hashabiah,

¹²Zakur, Sherebiah, Shebaniah,

¹³Hodiah, Bani, lapen Beninu.

¹⁴Parosh, Pahath Moab, Elam, Zatu, Bani,

¹⁵Bunni, Azgad, Bebai,

¹⁶Adonijah, Bigvai, Adin,

¹⁷Ater, Hezekiah, Azzur,

¹⁸Hodiah, Hashum, Bezai,

¹⁹Hariph, Anathoth, Nobai,

²⁰Magpiash, Meshullam, Hezir,

²¹Meshezabel, Zadok, Jaddua,

²²Pelatiah, Hanan, Anaiah,

²³Hoshea, Hananiah, Hasshub,

²⁴Hallohesh, Pilha, Shobek,

²⁵Rehum, Hashabnah, Maaseiah,

²⁶Ahiah, Hanan, Anan,

²⁷Malluk, Harim, lapen Baanah,

²⁸Netum Israel arat, kurusar atum, Levi atum, Kardomhem honbang atum, Kardomhem alunse atum, Kardomhem klembang atum lapen kaprek kedo-an Arnam Aron kekroi atum, amethang bang adet atum pen chepaprek netum alongle along kedo-an atum, netum apiso atum pen pen lapen osomar atum kechinithek an,

²⁹Jalin atum pen chelangpetsi la kephri abang phuthak hirjuno paklonang pusi semetang-lo, Arnam aban Moses pen kepitang Aron ateng pen netum rengpo, lapen netum a-HEMPHU, Hemphu ahukum-heihei nekepitang an kroi-et-po; lapen alangli ason-heihei lapen akenangji-heihei an netum rimpo.

³⁰Netum alongle along kedo bang-adet atum pen chepangri chepangdonde lo.

³¹Jongsi bang-adet abang vang-ra sok kejorji aphan kesang arni mate kaprek kangthir arni van lote netum halatum pen nam dunde lo. Throksi aningkan netum sai tikike lo, lapen preng do-an hanghe lo.

³²Aningkanvang netum anut-tinta Kardomhem akhorot kepiji akerap rup gram 5 chirung po.

³³Aber ketok ason Kardomhem karchoiji aphan netum pipo; Kangthir ahim arnivang asok adan, arnivang kephrinji athok-heihei, Kesang-Kangthir adan-heihei chiklokemi achojun amei, lapen kaprek achojun amei-heihei, Israel apap kepakak adan-heihei, lapen Kardomhem akenangji ason an pipo.

³⁴Netum, rat atum, kurusar atum, lapen Levi atum ason kenangji ateng athok adan-heihei HEMPHU, netum a-Arnam kethokjile komat arosi kethorji atheng van nang poma la kechinijisi khadot pathupo.

³⁵Aningkanvang netum alongle pen kelong atikong asok, atikong athe kemen Kardomhem along dan vanpo.

³⁶Lapen soklengpo netum along mahang kethek an Kardomhem arlo kurusar atum along netum ponpo lapen hadak Aron kehang ateng Arnam aphan hodaipo. Netum achainong apitin pen kelong aso akleng, lapen netum abiresak mate abi pen kelong aso akleng anta hodaipo.

³⁷Netum him kangthir lapen ke akaprek drakha ahorlang adan-heihei, jit ajangthu, lapen thesere an adan-heihei Kardomhem arlo kurusar atum along vanpipo. Netum rong-ahidi-heihei pen kerung aphan kep pen ephan longle pen kelong athe-heihei Levi atum along vanpipo.

³⁸Phankep pen ephan kerung ahut Aaron aro akurusar atum Levi atum along dodun nangji, lapen Kardomhem akenang aphan Levi atum kerung pen phankep pen ephan angbong pen ako phankep pen ephan Kardomhem khipuru-heihei along ponpo.

³⁹Israel arat lapen Levi atum Kechirung asok, drakha ahorlang, lapen jit ajangthu Kardomhem ajohton-heihei kebi adim khipuru along pon nangpo, lapen Kangdukbom akurusar atum, Kardomhem honbang atum, lapen Kardomhem kelun abangphu atum phanphli pen ephan halatum cherai longpo. Netum Arnam ahem langmomelo.